ShareKh-News24

วันอาทิตย์ที่ 1 ตุลาคม พ.ศ. 2566

អ្នកខ្លះថារដ្ឋអាមេរិកយកពន្ធពីប្រជាជនអាមេរិកច្រើនជាងរដ្ឋខ្មែរយកពីប្រជាជនខ្មែរ

អ្នកខ្លះថារដ្ឋអាមេរិកយកពន្ធពីប្រជាជនអាមេរិកច្រើនជាងរដ្ឋខ្មែរយកពីប្រជាជនខ្មែរ

ដើម្បីដឹងថាតើរដ្ឋអាមេរិក និងរដ្ឋខ្មែរ មួយណាយកពន្ធពីប្រជាជនខ្លួនច្រើនជាង ខ្ញុំមានតួរលេខជាក់ស្តែងដូចខាងក្រោម៖

១. អាមេរិក៖ ចំណូលពន្ធសរុបក្នុងឆ្នាំ ២០២២ ចំនួនក្បែរ ៥ ទ្រីលានដុល្លារ ស្មើនឹង ៥,០០០,០០០,០០០,០០០ ដុល្លារ ។ ចំនួនប្រជាជនអាមេរិកសរុប ៣៣២លាននាក់។ ដូចនេះ ប្រជាជនអាមេរិកក្នុងម្នាក់បង់ពន្ធជាមធ្យមប្រចាំឆ្នាំ ប្រហែល ១៥,០០០ដុល្លារ (យក ៥ទ្រីលានដុល្លារ ចែកនឹង ៣៣២លាននាក់)។ បន្ទាប់មកខ្ញុំគណនាអត្រាប្រាក់បង់ពន្ធរបស់ប្រជាជនអាមេរិកម្នាក់ៗទៅកាន់ចំណូលពន្ធសរុប ដែលស្មើនឹង ១៥,០០០ ចែកនឹង ៥,០០០,០០០,០០០,០០០ គុណនឹង១០០ ស្មើនឹង ០.០០០០០០៣%។

២. ខ្មែរ៖ ចំណូលពន្ធសរុបក្នុងឆ្នាំ ២០២២ ៤.៥ពាន់លានដុល្លារ (ហ៊ុន សែន ធ្លាប់ប្រកាសថាប្រមូលបាន ៦.១ពាន់លានដុល្លារ) ប្រជាជនខ្មែរសរុប ១៧លាននាក់។ ដូចនេះ ប្រជាជនខ្មែរម្នាក់បង់ពន្ធជាមធ្យមប្រចាំឆ្នាំចំនួន ២៦៥ដុល្លារ (យក៤.៥ពាន់លានដុល្លារចែកនឹង១៧លាននាក់)។ អត្រាប្រាក់បង់ពន្ធរបស់ប្រជាជនខ្មែរម្នាក់ៗបង់ពន្ធទៅកាន់ចំណូលពន្ធសរុបស្មើនឹង ២៦៥ដុល្លារ ចែកនឹង ៤.៥ពាន់លានដុល្លារ គុណ ១០០= ០.០០០០០៥៨%។

ប្រៀធៀប % នៃអត្រាប្រាក់បង់ពន្ធរបស់ប្រជាជនអាមេរិកម្នាក់ៗទៅកាន់ចំណូលពន្ធសរុប និងអត្រាប្រាក់បង់ពន្ធរបស់ប្រជាជនខ្មែរម្នាក់ៗទៅកាន់ចំណូលពន្ធសរុប ឃើញថា អត្រារបស់ខ្មែរធំជាងអត្រារបស់អាមេរិក ១៩ដងជាង ដោយយក ០.០០០០០៥៨% ចែកនឹង ០.០០០០០០៣%។ នេះមានន័យថា ប្រជាជនខ្មែរ រងបន្ទុកពន្ធ ឬបានបង់ពន្ធជូនរដ្ឋខ្មែរ ច្រើនជាងប្រជាជនអាមេរិកបង់ជូនរដ្ឋអាមេរិក រហូតដល់ទៅជាង ១៩ដង។

បញ្ជាក់៖ តួរលេខចំណូលពន្ធខ្មែរឆ្នាំ២០២២ អាចច្រើនជាង ៤.៥ពាន់លានដុល្លារ បើយើងបូកប្រាក់ពន្ធដែលធ្លាយទៅដៃជនពុករលួយដែលមានយ៉ាងតិច៥០០លានដុល្លារ។

អត្ថបទដោយ៖ អេង ពន្លក

តើលុយពន្ធដាររបស់ប្រជាជនខ្មែរទៅណាអស់? ឈ្លើងយក្ស!

លោក គង់ វិបុល អគ្គនាយកពន្ធដារ មានលុយរាប់សិបលានដុល្លារនៅក្នុងប្រទេសអូស្ត្រាលី ។ លោក គង់ វិបុល បានផ្ទេរប្រាក់ ១លាន ២សែនដុល្លាទៅប្រទេសអូស្រ្តាលីឆ្នាំ ២០១៣ ។ គ្រួសាររបស់លោក គង់ វិបុល មានក្រុមហ៊ុនដ៏ធំមួយនៅកម្ពុជា ។ លុយពន្ធមួយចំនួនធំរបស់ពលរដ្ឋខ្មែរបានហូរចូលហោប៉ៅរបស់លោក គង់ វិបុល និងមន្រ្តីពន្ធដារ ជាហេតុធ្វើអោយរដ្ឋគ្មានលុយសាងសង់ផ្លូវ ហេដ្ឋារចនាសម្ព័ន្ធ....ហើយបើចង់សាងសង់ផ្លូវត្រូវខ្ចីលុយចិនឬបរទេសឬត្រូវលក់បឹង ដីព្រៃឈើដើម្បីដោះដូរនឹងការសាងសង់ផ្លូវថ្នល់ ហេដ្ឋារចនាសម្ព័ន្ធ ដូចជា នៅខេត្តកណ្តាល កោះរុងជាដើម។