ShareKh-News24

Archive for 2022

วันพุธที่ 27 กรกฎาคม พ.ศ. 2565

ជា សុផារ៉ា ប្រតិកម្មនឹងការចុះផ្សាយអំពីកូនប្រុសរបស់លោកដាក់លក់អចលនទ្រព្យតម្លៃរាប់សិបលានដុល្លារនៅអូស្ត្រាលី!!

រដ្ឋមន្ត្រីក្រសួងដែនដី នគរូបនីយកម្ម និងសំណង់ លោក ជា សុផារ៉ា នៅថ្ងៃអង្គារនេះ បានប្រតិកម្មទៅនឹងការចុះផ្សាយអត្ថបទព័ត៌មានទាក់ទងនឹងការដាក់លក់ភូមិគ្រឹះរបស់កូនប្រុសរបស់លោកក្នុងប្រទេសអូស្ត្រាលីក្នុងតម្លៃប្រមាណ ៣៨ លានដុល្លារ ។ លោករដ្ឋមន្ត្រីអះអាងថា លោកមិនបានដឹងអំពីរឿងនេះទេ ហើយប្រតិកម្មទៅនឹងការចុះផ្សាយនេះ។

សារព័ត៌មានដែលមានឈ្មោះថា The Australian បានចុះផ្សាយកាលពីថ្ងៃទី២៥ ខែកក្កដា ឆ្នាំ២០២២ថា កូនប្រុសរបស់លោក ជា សុផារ៉ា គឺ លោក ផារ៉ា មង្គល ដែលជានាយខុទ្ទកាល័យនៃក្រសួងដែនដី នគរូបនីយកម្ម និងសំណង់ បានដាក់លក់ផ្ទះក្នុងប្រទេសអូស្ត្រាលី ដែលលោកបានទិញកាលពីឆ្នាំ ២០១៦ ។

នៅពេលវីអូអេទាក់ទងតាមទូរស័ព្ទ លោក ជា សុផារ៉ា ប្រាប់វីអូអេនៅថ្ងៃអង្គារនេះថាលោកមិនបានដឹងព័ត៌មានពាក់ព័ន្ធនឹងការលក់អចលនទ្រព្យនេះនោះទេ ។

លោក ជា សុផារ៉ា បានថ្លែងថា៖ «អាគេផ្សាយហ្នឹង គេលក់ អ្នកណាចង់ទិញក៏ទិញទៅ ផ្ទះរបស់គេណោះ សួរខ្ញុំម៉េចដឹង។ ខ្ញុំអត់ដឹងផងអូន។ មិនមែនគេ Underage (មិនទាន់គ្រប់អាយុ) ណា»។

នៅពេលសួរពាក់ព័ន្ធនឹងប្រភពចំណូលដែលបានប្រើប្រាស់ក្នុងការទិញអចលទ្រព្យនេះ លោក ជា សុផារ៉ា មិនបានបញ្ជាក់លម្អិតឡើយ។

លោកថ្លែងយ៉ាងដូច្នេះ មុននឹងទម្លាក់ទូរស័ព្ទចុះ៖ «បាទ កូនខ្ញុំ ថ្ងៃក្រោយគេធ្វើមហាសេដ្ឋីអ៊ីចឹង សួរថាបានលុយមកពីណា ហើយថ្ងៃក្រោយគេធាក់ស៊ីក្លូសួរថា ម៉េចគេអស់លុយ។ ឆោតអីឆោត ចេះតែនិយាយ។ ការងារម៉ាគនរមិនធ្វើទេ ចេះតែប្រមាញ់រឿងតែផ្តេសតែផ្តាស។ មិនមែនជាការស្ថាបនាទេ។ ឃើញគេក្រ អរណាស់ ឃើញគេមានរុកគួនណាស់។ អាអគតិអ៊ីចឹង ចង្រៃអ៊ីចឹងហ្អេ»។

វីអូអេមិនទាន់អាចទាក់ទងលោក ផារ៉ា មង្គល កូនប្រុសរបស់លោក ជា សុផារ៉ា ដើម្បីសុំការបំភ្លឺបន្ថែមបាននៅឡើយទេ នាថ្ងៃអង្គារនេះ។

អត្ថបទព័ត៌មានមួយចុះផ្សាយដោយសារព័ត៌មាន The Australian កាលពីថ្ងៃទី២៥ ខែកក្កដា រៀបរាប់ថា ការលក់ភូមិគ្រឹះមួយតម្លៃ៣៨លានដុល្លារ ក្នុងក្រុង Sydney (ស៊ីដនី) ប្រទេសអូស្ត្រាលី នាំឱ្យមានការលើកឡើងអំពីការស៊ើបអង្កេតពាក់ព័ន្ធនឹងការអះអាងថា អូស្ត្រាលីត្រូវបានប្រើប្រាស់ជាកន្លែង ដើម្បីលាក់ទ្រព្យសម្បត្តិរបស់មន្ត្រីមួយចំនួននៅកម្ពុជា។

អត្ថបទព័ត៌មានបញ្ជាក់ថា ភូមិគ្រឹះខាងលើនេះ ដែលស្ថិតលើផ្ទៃដីទំហំជាង៣.០០០មែត្រការ៉េ ជាប់មាត់ឆ្នេរ ជាមួយនឹងរោងភាពយន្ត តារាងបាល់បោះតូច និងតារាងបាល់ទាត់ គឺជាកម្មសិទ្ធិរបស់មន្ត្រីក្រសួងដែនដីនគរូបនីយកម្ម និងសំណង់មួយរូប ដែលមានប្រាក់ចំណូលតិចជាង១.០០០ដុល្លារក្នុងមួយខែតែប៉ុណ្ណោះ។

អត្ថបទព័ត៌មានដដែលបន្តថាលោក ផារ៉ា មង្គល អាយុ ៣៩ឆ្នាំ និងភរិយាឈ្មោះ តាវ ម៉ាឌីណា អាយុ ៣៦ឆ្នាំ ដែលជាកូនស្រីរបស់អតីតរដ្ឋមន្ត្រីក្រសួងកសិកម្ម លោក តាវ សេងហួ បានទិញភូមិគ្រឹះនេះកាលពីខែកក្កដា ឆ្នាំ២០១៦ ក្នុងតម្លៃដើមប្រមាណ ១១លានដុល្លារ ដែលជាតម្លៃខ្ពស់បំផុតមួយសម្រាប់អចលនទ្រព្យនៅតំបន់ជាយក្រុងកាលពីគ្រានោះ។

នៅក្នុងអត្ថបទព័ត៌មាននេះ លោក Bill Browder ដែលជាអ្នកធ្វើយុទ្ធនាការប្រឆាំងនឹងអំពើពុករលួយមួយរូប បានលើកឡើងថា រដ្ឋាភិបាលរបស់លោកនាយករដ្ឋមន្ត្រី ហ៊ុន សែន គួរតែជាគោលដៅចម្បងចំពោះការដាក់ទណ្ឌកម្មក្រោមច្បាប់ Magnitsky ថ្មីរបស់អូស្ត្រាលី។

លោកថ្លែងក្នុងសម្តីដើម និងត្រូវបានប្រែសម្រួលថា៖ «នេះជាអ្វីដែលច្បាប់ Magnitsky របស់អូស្ត្រាលី ត្រូវបានបង្កើតឡើង ដើម្បីដោះស្រាយនឹងបញ្ហាដូចនេះ។ មានរបបមួយដែលពាក់ព័ន្ធជាមួយនឹងការរំលោភបំពានសិទ្ធិ និងការលួចប្លន់ ហើយមន្ត្រីនៃរបបនេះ និងគ្រួសាររបស់ពួកគេ បានរក្សាទុកទ្រព្យសម្បត្តិនៅអូស្ត្រាលី»។

តាមគោលការណ៍ ច្បាប់ Magnitsky មានគោលដៅបញ្ឈប់មន្ត្រីបរទេសដែលពុករលួយ និងជនរំលោភបំពានសិទ្ធិមនុស្សពីការផ្ទេរទ្រព្យសម្បត្តិ ដែលពួកគេប្រមូលបានពីការលួច និងកេងបន្លំពីប្រទេសកំណើតរបស់ខ្លួន ដើម្បីមកវិនិយោគនៅប្រទេសបស្ចិមលោក។

អ្នកនាំពាក្យគណបក្សប្រជាជនកម្ពុជា លោក សុខ ឥសាន បានច្រានចោលការអំពាវនាវរបស់លោក Bill Browder ដោយថាការស៊ើបអង្កេតពាក់ព័ន្ធនឹងអំពើពុករលួយ និងការបំពានផ្សេងៗគួរតែមានលើបុគ្គលអភិជននៅបណ្តាប្រទេសបស្ចិមលោកផងដែរ។

លោកថ្លែងថា៖ «ខ្ញុំគិតថាបើសិនជាគាត់មានគំនិតប្រឆាំងអំពើពុករលួយអ៊ីចឹង គួរតែគាត់សើរើសេដ្ឋីទាំងឡាយនៅអង់គ្លេស ឬមួយសេដ្ឋីទាំងឡាយនៅអាមេរិក ឬមួយនៅកាណាដា មិនមែនធ្វើតែខ្មែរនៅអូស្ត្រាលីទេ»។

គួរបញ្ជាក់ថា កាលពីខែតុលា ឆ្នាំ២០១៨ ប្រព័ន្ធផ្សព្វផ្សាយអូស្ត្រាលី ABC បានរៀបរាប់ពីទ្រព្យសម្បត្តិជាអចលនទ្រព្យក្នុងតម្លៃរាប់លានដុល្លារនៅអូស្ត្រាលី ដែលជាកម្មសិទ្ធិរបស់ក្រុមបុគ្គលមានចំណងសាច់ញាតិជាមួយលោកនាយករដ្ឋមន្ត្រី ហ៊ុន សែន និងអគ្គនាយកនៃអគ្គនាយកដ្ឋានពន្ធដារលោក គង់ វិបុល ផងដែរ។ លោក គង់ វិបុល ធ្លាប់បានបដិសេធថាលោកមិនជាប់ពាក់ព័ន្ធនឹងអំពើពុករលួយនោះទេ៕ (វីអូអេខ្មែរ)

วันพุธ, กรกฎาคม 27, 2565 0

วันศุกร์ที่ 6 พฤษภาคม พ.ศ. 2565

អន្តរជាតិ

ក្រសួងការពារជាតិសហរដ្ឋអាមេរិកបដិសេធថា ខ្លួនមិនបានជួយអ៊ុយក្រែនក្នុងការកំណត់គោលដៅសម្លាប់ឧត្តមសេនីយ៍រុស្ស៊ីទេ

ក្រសួងការពារជាតិសហរដ្ឋអាមេរិក បានបដិសេធនៅថ្ងៃព្រហស្បតិ៍នេះថា ខ្លួនមិនបានផ្តល់ព័ត៌មានស៊ើបការណ៍សម្ងាត់ ស្តីពីទីកន្លែងរបស់ឧត្តមសេនីយ៍យោធារុស្ស៊ីនៅក្នុងសមរភូមិប្រយុទ្ធ ដើម្បីអោយកងកម្លាំងអ៊ុយក្រែន អាចសម្លាប់ពួកគេបាននោះទេ នេះបើតាមសេចក្តីរាយការណ៍របស់ទីភ្នាក់ងារព័ត៌មាន AFP ។

អ្នកនាំពាក្យក្រសួងការពារជាតិសហរដ្ឋអាមេរិក លោក John Kirby បានសម្តែងប្រតិកម្មឆ្លើយតបជុំវិញការផ្សាយព័ត៌មានរបស់កាសែត The New York Times ស្តីពីការគាំទ្ររបស់អាមេរិកទៅលើអ៊ុយក្រែន ដោយនិយាយថា សហរដ្ឋអាមេរិក ពិតជាបានផ្តល់អោយរដ្ឋាភិបាលអ៊ុយក្រែននូវការស៊ើបការណ៍ផ្នែកយោធា «ដើម្បីជួយឱ្យពលរដ្ឋអ៊ុយក្រែនអាចការពារខ្លួនបាន» ។

លោកបន្តថា៖ «យើងមិនបានផ្តល់ព័ត៌មានស៊ើបការណ៍សម្ងាត់ អំពីទីកន្លែងរបស់មេដឹកនាំយោធាជាន់ខ្ពស់របស់រុស្ស៊ីនៅក្នុងសមរភូមិ ឬក៏ចូលរួមនៅក្នុងការសម្រេចចិត្តទៅលើគោលដៅវាយប្រហារណាមួយ របស់កងយោធាអ៊ុយក្រែនទេ» ។

សារព័ត៌មាន The New York Times បានរាយការណ៍ កាលពីល្ងាចថ្ងៃពុធថា ព័ត៌មានស៊ើបការណ៍សម្ងាត់ដែលសហរដ្ឋអាមេរិកផ្តល់ឱ្យ បានជួយកងកម្លាំងអ៊ុយក្រែន ដើម្បីកំណត់គោលដៅនិងសម្លាប់ឧត្តមសេនីយ៍យោធារុស្ស៊ីមួយចំនួន ចាប់តាំងពីការចូលឈ្លានពានរបស់រុស្ស៊ីទៅលើប្រទេសអ៊ុយក្រែនមក។

ដោយស្រង់សម្តីមន្ត្រីជាន់ខ្ពស់អាមេរិកមួយចំនួនដោយមិនបញ្ជាក់ឈ្មោះនោះ សារព័ត៌មាននេះ បាននិយាយថា ឧត្តមសេនីយ៍យោធារុស្សីប្រមាណ១២នាក់ ត្រូវបានសម្លាប់ ដោយកងកម្លាំងអ៊ុយក្រែន ហើយថា ឧត្តមសេនីយ៍ជាច្រើន ត្រូវបានគេកំណត់គោលដៅ ដោយមានការជួយផ្តល់ព័ត៌មានស៊ើបការណ៍សម្ងាត់របស់អាមេរិក ។

កងកម្លាំងអ៊ុយក្រែន បានទទួលជោគជ័យក្នុងការវាយប្រហារទៅលើទីបញ្ជាការដ្ឋានជួរមុខរបស់រុស្ស៊ី ហើយបើយោងតាមសេចក្តីរាយការណ៍ព័ត៌មានរបស់កាសែតនោះ កងកម្លាំងអ៊ុយក្រែន ហៀបនឹងវាយប្រហារលើទីតាំងមួយ នៅក្បែរខ្សែត្រៀមសមរភូមិ ក្នុងតំបន់ Donbas កាលពីសប្តាហ៍មុន ដែលនៅទីនោះ ឧត្តមសេនីយ៍យោធារុស្ស៊ីជាន់ខ្ពស់មួយរូបគឺលោក Valery Gerasimov ត្រូវបានគេជឿថា បានទៅសួរសុខទុក្ខកងកម្លាំងរុស្ស៊ី ។

កងកម្លាំងអ៊ុយក្រែន ប្រហែលជាបានបាញ់ផ្លោងដាក់ទីតាំងនោះប៉ុន្មានម៉ោងប៉ុណ្ណោះ ក្រោយឧត្តមសេនីយ៍យោធារុស្ស៊ីជាន់ខ្ពស់រូបនេះ បានចាកចេញ។ នេះបើយោងទៅលើរបាយកាណ៍ព័ត៌មាន ដែលមិនអាចបញ្ជាក់អះអាងបាននោះ ។

លោក Kirby និយាយថាអ៊ុយក្រែន ធ្វើការសម្រេចចិត្តដោយខ្លួនឯង ថាតើខ្លួនកំណត់គោលដៅវាយប្រហារទៅលើមេដឹកនាំរុស្ស៊ីណាមួយ ឬយ៉ាងណានោះ។

ដោយឡែក ក្រុមប្រឹក្សាសន្តិសុខជាតិសេតវិមាន បានរិះគន់ទៅលើការផ្សាយរបស់កាសែត The New York Times ជុំវិញរឿងនេះ ថាគ្មានការទទួលខុសត្រូវ ។

រដ្ឋមន្ត្រីការពារជាតិអាមេរិក លោក Lloyd Austin បាននិយាយក្រោយដំណើរទស្សនកិច្ចរបស់លោកទៅកាន់រដ្ឋធានីកៀវរបស់ប្រទេសអ៊ុយក្រែនកាលពីចុងខែមេសាថា៖ «យើងចង់ឃើញរុស្ស៊ីចុះខ្សោយដល់កម្រិតមួយ ដែលនាំអោយរុស្ស៊ីលែងអាចប្រព្រឹត្តអំពើទាំងឡាយ ដែលខ្លួនបានធ្វើកន្លងមកក្នុងការចូលឈ្លានពានប្រទេសអ៊ុយក្រែននោះ» ៕ (VOA Khmer)

មន្ត្រីយោធាជាន់ខ្ពស់អាមេរិកបញ្ជាក់ថា អាមេរិកជាអ្នកផ្តល់ព័ត៌មានចារកម្ម ដែលបានជួយអ៊ុយក្រែនសម្លាប់ឧត្តមសេនីយ៍រុស្ស៊ី ។

នេះជាការប្តេជ្ញារបស់ លោក ចូ បៃដិន ដែលផ្តល់ព័ត៌មានចារកម្ម ទាន់ហេតុការណ៍ដល់ទាហានអ៊ុយក្រែនប្រយុទ្ធនឹងរុស្ស៊ីឈ្លានពាន ។ អ៊ុយក្រែនអះអាងថា បានសម្លាប់ឧត្តមសេនីយ៍រុស្ស៊ី ១២ នាក់ ។ (NYT)

วันศุกร์, พฤษภาคม 06, 2565 0

วันอาทิตย์ที่ 1 พฤษภาคม พ.ศ. 2565

ទស្សនៈផ្ទាល់ខ្លួន ៖ ក្នុងសង្គ្រាមរុស្ស៊ីឈ្លានពានអ៊ុយក្រែនតាំងពីថ្ងៃទី២៤ កុម្ភៈ មក មានចំណុចពីរដែលខ្ញុំចាប់អារម្មណ៍និងតាមដានខ្លាំង

ទស្សនៈផ្ទាល់ខ្លួន ៖ ក្នុងសង្គ្រាមរុស្ស៊ីឈ្លានពានអ៊ុយក្រែនតាំងពីថ្ងៃទី២៤ កុម្ភៈ មក មានចំណុចពីរដែលខ្ញុំចាប់អារម្មណ៍និងតាមដានខ្លាំង។

ទី១ ៖ បើកាលណាប្រទេសដែលមានមេដឹកនាំមានមហិច្ឆតាលោភលន់ ហើយមានអាវុធនុយក្លេអ៊ែរ គឺគ្រោះថ្នាក់ណាស់ ព្រោះអាចយកមកគំរាមប្រទេសនានា ។ អ្នកជំនាញយោធាអាមេរិកាំងខ្លះថា តាំងពីសង្គ្រាមលោកលើកទី ២ ដែលអាមេរិកបានទម្លាក់គ្រាប់បែកនុយក្លេអ៊ែរដាក់ជប៉ុនមក មេដឹកនាំពិភពលោកហាក់មានតំណមមួយគឺមិនហ៊ាននិយាយដល់ការប្រើប្រាស់អាវុធនុយក្លេអ៊ែរទៀតទេ ។ អ៊ីចឹងហើយបានជាអាវុធនុយក្លេអ៊ែរត្រូវបានគេហៅថា «អាវុធសម្រាប់ទប់ស្កាត់» ជាជាងឈ្លានពាន ។ ប៉ុន្តែក្រុមលោកពូទីន ដូចជាគំរាមប្រើអាវុធនេះជាប់មាត់រដឹក។ រីឯសហរដ្ឋអាមេរិកហាក់ត្រជាក់ល្ហឹម ។

ទី២ ៖ អំពើពុករលួយនិងបក្សពួកនិយមធ្វើឲ្យខូចប្រយោជន៍ជាតិ ។ មន្ត្រី និងសេដ្ឋីរុស្ស៊ីល្បីល្បាញ ខាងលួចបន្លំថវិកាជាតិ ។ ក្នុងរបបអតីតសហភាពសូវៀតគឺមន្ត្រីធំៗ ជាមន្ត្រីស្អាតស្អំ ស្អប់អំពើពុករលួយ និងបក្សពួកនិយម ។ ប៉ុន្តែការដឹកនាំរបស់លោក ពូ ទីន គឺ មន្ត្រីទាំងអស់នោះ មានឋានៈធំផង និងមានងារជាមហាសេដ្ឋីផង ។ សូម្បីនៅក្នុងជួរទ័ពគឺកិបកេង និង ប្រើប្រាស់យុទ្ធោបករណ៍យោធាខ្វះស្តង់ដា ។ អ៊ីចឹងហើយបានការប្រយុទ្ធបើកឆាកដំបូងទាហានរុស្ស៊ី ស្លាប់យ៉ាងច្រើន ហើយពេលនេះបានបាត់បង់ឧត្តមសេនីយ៍ចំនួនពាក់កណ្តាលនៃឧត្តមសេនីយ៍ដែលលោក ពូ ទីន បញ្ជូនមក ។ អ្នកតំណាងរាស្ត្រអាមេរិកាំងម្នាក់បានថ្លែងថាដំបូងឡើយស្មានតែរុស្ស៊ី ជាមហាអំណាចយោធាលេខពីរ មិនដឹងថាការពិតគឺលេខពីរបន្ទាប់ពីអ៊ុយក្រែនទេ ។ មានចំណុចល្អមួយដែរគឺទោះជាពុករលួយយ៉ាងណា ក៏ប៉ុន្តែការតែងតាំងមេបញ្ជាការនៅគោរពតាមក្បួនយោធា គឺមានន័យថាមេកងពលត្រឹមផ្កាយ២ ឬ មេកងពលតូចត្រឹមសក្តិប្រាំឬករណីខ្លះត្រឹមផ្កាយ១ ។

ចុះបងប្អូនវិញមានការសង្កេតលើចំណុចណាដែរ?

Credit: Men Kimseng