រលាយរលត់ខ្មែរហើយ! រដ្ឋាភិបាលតេជោសែនអាក្រក់ថោកទាបផុតលេខ! ប្រែសេចក្ដីថ្លែងការណ៍គណៈប្រតិភូសហភាពអឺរ៉ុប ក៏កុហកបោកប្រាស់ប្រជាពលរដ្ឋខ្មែរដែរ ការពិតសហភាអ៊ឺរ៉ុប បានវាយសំពងក្បាលរដ្ឋាភិបាលតេជោសែនយ៉ាងចាស់ដៃធ្ងន់កតែម្ដង! ដោយសហភាពអឺរ៉ុបបានស្នើជាថ្មីឲ្យបញ្ឈប់ការប៉ុនប៉ងរំលាយបក្សប្រឆាំងនិងដោះលែងលោក កឹម សុខា ជាបន្ទាន់ - EU call for releasing Kem Sokha.
មិនដូចសេចក្ដីជូនដំណឹងនិងព័ត៌មាន របស់រដ្ឋាភិបាលកម្ពុជា តែ សេចក្ដីថ្លែងការណ៍របស់ ក្រុមរបស់សហភាអ៊ឺរ៉ុប ដែលដឹកនាំដោយលោក Werner Langen ប្រធានគណៈកម្មាធិការ កិច្ចការសេដ្ឋកិច្ច និងរូបិយវត្ថុរបស់ស្ថាប័នអន្ដរជាតិមួយនេះបន្ទាប់ពីជួបរដ្ឋាភិបាល បានលើកឡើងនិងព្រមានផលវិបាកលើកម្មវិធីជំនួយនិងពាណិជ្ជកម្មទាក់ទិនករណីសំណុំរឿងលោក កឹម សុខា ប្រធានគណបក្សសង្គ្រោះជាតិ ហើយ តម្រូវឲមានការដោះលែងគាត់ ការបញ្ឈប់ការរំលាយគណបក្សប្រឆាំងនេះ និង ការបោះឆ្នោត សេរី យុត្តិធម៌ និង ទីលានប្រកួតបោះឆ្នោតមានតម្លាភាព។
គណៈប្រតិភូសហភាពអឺរ៉ុប ចេញសេចក្ដីថ្លែងការណ៍នៅថ្ងៃទី៣១ តុលា សំដែងក្ដីព្រួយបារម្ភជាខ្លាំងចំពោះការវិវត្តន៍ចុងក្រោយ នៃស្ថានការណ៍នយោបាយ និងបញ្ហាសិទ្ធិមនុស្ស។ សេចក្ដីថ្លែងការណ៍បន្តថា ដើម្បីឲ្យការបោះឆ្នោតសកល នៅឆ្នាំ២០១៨ ខាងមុខ ប្រកបដោយសេរី យុត្តិធម៌ និងត្រឹមត្រូវ រដ្ឋាភិបាលកម្ពុជា ត្រូវតែបើកចំហ និងមានតម្លាភាព ដោយអនុញ្ញាតឲ្យមានភាគីដទៃចូលរួមប្រកួតប្រជែង។
សហភាពអឺរ៉ុប អំពាវនាវឲ្យរដ្ឋាភិបាល ដោះលែងលោក កឹម សុខា បញ្ឈប់ការប៉ុនប៉ងរំលាយគណបក្សសង្គ្រោះជាតិ និងស្តារឡើងវិញឲ្យមានសកម្មភាពចូលរួមដោយសេរី របស់គណបក្សនយោបាយផ្សេងទៀត ស្ថាប័នព័ត៌មាន និងអង្គការសង្គមស៊ីវិល។
ប្រធានគណៈកម្មាធិការ កិច្ចការសេដ្ឋកិច្ច និងរូបិយវត្ថុ របស់សភាអឺរ៉ុប លោក វើណើ ឡានហ្គែន (Werner Langen) សង្កត់ធ្ងន់ថា រដ្ឋាភិបាលកម្ពុជា គួរដឹងច្បាស់ថា សភានៃសហភាពអឺរ៉ុប គឺជាសហស្ថាប័នបញ្ញត្តិ ក្នុងការសម្រេចផ្ដល់ថវិកា និងពាណិជ្ជកម្ម ហើយបញ្ហារំលោភសិទ្ធិមនុស្សធ្ងន់ធ្ងរ អាចនឹងធ្វើឲ្យប៉ះពាល់ ដល់កម្មវិធីអភិវឌ្ឍន៍ជំនួយ និងពាណិជ្ជកម្មរបស់សហភាពអឺរ៉ុប។
សេចក្ដីថ្លែងការណ៍ប្រតិភូសភាអឺរ៉ុប ធ្វើឡើងក្រោយពីមន្ត្រីប្រតិភូសភាអឺរ៉ុប បានជួបពិភាក្សាជាមួយរដ្ឋមន្ត្រីការបរទេសកម្ពុជា ពីស្ថានការណ៍តានតឹងបច្ចុប្បន្ន នៅកម្ពុជា ក្នុងដំណើរទស្សនកិច្ចផ្លូវការ ២ថ្ងៃ គឺនៅថ្ងៃ៣០ និង៣១ ខែតុលានេះ។
ក្រសួងការបរទេសកម្ពុជា ក៏បានចេញសេចក្ដីថ្លែងការណ៍ជាឯកតោភាគី ផ្ទុយពីការលើកឡើងរបស់គណៈប្រតិភូសភាអឺរ៉ុប។ សេចក្ដីថ្លែងការណ៍សរសេរថា កម្ពុជាបានបញ្ជាក់ប្រាប់ថ្នាក់ដឹកនាំជាន់ខ្ពស់សភាអឺរ៉ុប បានឯកភាព និងទទួលយកការពន្យល់ពីលោកប្រាក់ សុខុន ពីករណីចាប់ខ្លួនមេដឹកនាំបក្សសង្គ្រោះជាតិ លោក កឹម សុខា ករណីកាសែត ដឹ ខេមបូឌា ដេលី (The Cambodia Daily) និងការបិទអង្គការអន្តរជាតិ របស់សហរដ្ឋអាមេរិក NDI។
សេចក្ដីថ្លែងការណ៍បន្តថា លោក ប្រាក់ សុខុន បានលើកឡើងថា ការចាប់ខ្លួន លោក កឹម សុខា គឺធ្វើឡើងស្របច្បាប់ ក្នុងការពង្រឹងនីតិរដ្ឋ និងការពារឯករាជ្យ អធិបតេយ្យភាពកម្ពុជា ប្រឆាំងនឹងការប៉ុនប៉ងជ្រៀតជ្រែក កិច្ចការផ្ទៃក្នុង និងផ្ដួលរំលំរដ្ឋាភិបាលស្របច្បាប់ ពីបរទេស។ សេចក្ដីថ្លែងការណ៍ដដែលឲ្យដឹងទៀតថា សហភាពអឺរ៉ុប ស្វាគមន៍នៃការអញ្ជើញរបស់កម្ពុជា ឲ្យចូលរួមសង្កេតការណ៍បោះឆ្នោតសកល នៅឆ្នាំ២០១៨ ខាងមុខ។
កាលពីថ្ងៃទី៩ ខែតុលា សហភាពអឺរ៉ុបប្រចាំកម្ពុជា និងប្រតិភូសហភាពអឺរ៉ុប ធ្លាប់បានសំដែងការព្រួយបារម្ភ អំពីចំណាត់ការរបស់អាជ្ញាធរ ដើម្បីព្យាយាមរំលាយគណបក្សប្រឆាំងធំជាងគេនៅកម្ពុជា។ សហភាពអឺរ៉ុបថា ការព្យាយាមលុបបំបាត់គណបក្សមួយ ដែលបានទទួលសំឡេងគាំទ្ររបស់ពលរដ្ឋជាង ៤០% កាលពីបោះឆ្នោតក្រុមប្រឹក្សាឃុំ-សង្កាត់ គឺជាការវាយប្រហារដ៏ខ្លាំងក្លា ដល់ដំណើរការលទ្ធិប្រជាធិបតេយ្យ និងប៉ះពាល់ដល់ទំនុកចិត្តចំពោះដំណើរការបោះឆ្នោត នៅឆ្នាំ២០១៨ ខាងមុខ។ សហភាពអឺរ៉ុប ស្នើឲ្យរដ្ឋាភិបាលកម្ពុជា ពិចារណាឡើងវិញចំពោះករណីនេះ៕
ប្រភព ៖ វិទ្យុអាស៊ីសេរី
0 ความคิดเห็น: