បែបនេះហើយដែល ហ៊ុន ម៉ាណែត និយាយថា ឆ្កែព្រុស មនុស្សដើរ
ហ៊ុន សែន គំរាមចេះតែគំរាមទៅ ហ៊ុន ម៉ាណែត ប្តឹងក៏ចេះតែប្តឹងទៅ តែអ្វីដែល ឆាំ ឆានី ត្រូវធ្វើដើម្បីបុព្វហេតុជាតិ និង ពលរដ្ឋ គឺ ឆាំ ឆានី នៅតែបន្តធ្វើ ចឹងហើយបានជា ហ៊ុន ម៉ាណែត និយាយរឿងឆ្កែព្រុស មនុស្សដើរ ដែលការនិយាយរបស់ ហ៊ុន ម៉ាណែត នេះចង់បញ្ជាក់ថា ឆ្កែឪ កូន ហ៊ុន សែន ហ៊ុន ម៉ាណែត នៅតែព្រុស មនុស្ស ឆាំ ឆានី នៅតែដើរ ៕ ប្រភព៖ Chham Chhany
គូសបញ្ជាក់ប្រភពព័ត៌មានពីវិទ្យុស៊ីសេរី បានអោយដឹងថា៖ លោក ហ៊ុន ម៉ាណែត ប្ដឹងម្ចាស់គណនីហ្វេសប៊ុកម្នាក់បរិហារកេរ្តិ៍លោកនិងគ្រួសារ
កូនប្រុសលោកនាយករដ្ឋមន្ត្រី ហ៊ុន សែន ប្ដឹងម្ចាស់គណនីហ្វេសប៊ុក (Facebook)ឈ្មោះ ឆាំ ឆានី (Chham Chhany) ពីបទបរិហារកេរ្តិ៍ជាសាធារណៈ។
ក្នុងពាក្យបណ្ដឹងរបស់ កូនប្រុសច្បងលោក ហ៊ុន សែន គឺលោក ហ៊ុន ម៉ាណែត ដែលដាក់ទៅអគ្គស្នងការនគរបាលជាតិនៅថ្ងៃទី២២ ខែ មករា នេះ អោយដឹងថា ម្ចាស់គណនីហ្វេសប៊ុករូបនោះបានបង្ហោះអត្ថបទដែលមានចំណងជើងថា ឧក្រិដ្ឋជនព្រៃឈើកាច់កុងគ្នាព្រោះចង់កាន់កាប់តំបន់កាប់ឈើ បានផលត្រកូលហ៊ុន។
លោក ហ៊ុន ម៉ាណែត លើកឡើងថា ក្នុងអត្ថបទនោះឈ្មោះ ឆាំ ឆានី បានប្រឌិតរឿងខុសពីការពិត ដែលធ្វើអោយប៉ះពាល់ដល់សេចក្ដីថ្លៃថ្នូររបស់លោក និងក្រុមគ្រួសារ។
ក្នុងពាក្យបណ្ដឹងដដែលនោះក៏បានចម្លងអត្ថបទរបស់ ឈ្មោះ ឆាំ ឆានី មកដាក់ដែរ។ អត្ថបទនោះបង្ហាញថា ភរិយាលោក ហ៊ុន សែន អ្នកស្រី ប៊ុន រ៉ានី ជាខ្នងបង្អែករបស់ឈ្មួញរកស៊ីឈើ សឹង សំអុល ចំណែកលោក ហ៊ុន ម៉ាណែត នៅពីក្រោយឈ្មួញឈ្មោះ លឹម ប៊ុណ្ណា ហើយការចាត់វិធានការនានា ទៅលើអ្នករកស៊ីទាំងនេះគ្រាន់តែជាការខ្ចីដៃ ឬជាឧបាយធ្វើយ៉ាងណាអោយចំណេញដល់អ្នកដែលកំពុងនៅពីក្រោយឈ្មួញឈើទាំងនេះ។
បើទោះជាយ៉ាងណា លោក ហ៊ុន ម៉ាណែត ដែលថាព័ត៌មាននេះត្រូវគេប្រឌិត បានទាមទារអោយអាជ្ញាធរស្វែងរកម្ចាស់គណនី ឈ្មោះ ឆាំ ឆានី មកផ្ដន្ទាទោសតាមច្បាប់៕
0 ความคิดเห็น: