ខ្មែរ សុវណ្ណភូមិ៖ លោក សម រង្ស៊ី និងលោក កឹម សុខា បានបំពេញតួនាទីសំខាន់ដូចគ្នាសម្រាប់ខ្មែរ!
ខ្មែរ សុវណ្ណភូមិ គ្រាន់តែចង់បញ្ជាក់ប្រាប់បងប្អូនថាលោកទាំងពីរនាក់នេះ មានតួនាទី និងតំលៃដូចគ្នាក្នុងការតស៊ូរំដោះមាតុភូមិយើងពីរបបផ្តាច់ការឃោរឃៅសព្វថ្ងៃ។ ពោលលោក កឹម សុខា គាត់នៅក្នុងប្រទេស និងជាប់គុក ដើម្បីពង្រឹងស្មារតីតស៊ូ និងសាមគ្គីពលរដ្ឋខ្មែរក្នុងប្រទេសឲ្យកាន់តែរឹងមាំ និងពង្រឹងទឹកចិត្តលះបង់ដើម្បីជាតិឲ្យកាន់តែស្មោះស្ម័គ្រដើម្បីប្រយោជន៍ជាតិបន្ថែមទៀតក្នុងទិសដៅឆ្ពោះទៅរកការផ្លាស់ប្តូរ។ ដោយឡែកលោក សម រង្ស៊ី គាត់ជាមនុស្សដ៏សំខាន់បំផុតដែលបានដើរតួនាទីនៅក្រៅប្រទេសដើម្បីពង្រឹងកិច្ចការនយោបាយការបរទេស ដោយអោយអន្តរជាតិងាកមកយកចិត្តទុកដាក់លើការដឹកនាំនៃរបប ហ៊ុន សែន ដែលរំលោភបំពានសិទ្ធិមនុស្សនៅកម្ពុជា មិនគោរពតាមកិច្ចព្រមព្រៀងទីក្រុងប៉ារីសនិងឲ្យអន្តរជាតិបំពេញតួនាទីរបស់ខ្លួនក្នុងការធានាសុខសន្តិភាព ការគោរពសិទ្ធិមនុស្ស លទ្ធិប្រជាធិបតេយ្យ ការពារជីវិតពលរដ្ឋខ្មែរ និងស្វែងរកដំណោះស្រាយដល់កម្ពុជាដោយសន្តិវិធី។
លោក បានខឹតខំណាស់ដើម្បីស្វែងរកដំណោះស្រាយវិបត្តិនយោបាយនៅកម្ពុជាពីមុន និងពេលនេះតាមរយៈអន្តរជាតិនេះ ព្រោះវាជាវីធីមួយដ៏ល្អបំផុតដើម្បីបញ្ចៀសកុំឲ្យខ្មែរបង្ហូឈាមគ្នា និងរងការដាក់ទណ្ឌកម្មនានាពីអន្តរជាតិ (ប្រសិនបើរដ្ឋាភិបាល ហ៊ុន សែន ព្រមទទួលយកដំណោះស្រាយ) ដែលជាការខាតបង់ដល់ប្រយោជន៍ជាតិ។
ជាក់ស្តែងក្រោយការចាប់ខ្លួនលោក កឹម សុខា យើងឃើញលោក សម រង្ស៊ី រឹតតែសកម្មបំពេញតួនាទីនេះ និងស្វែងរកដំណោះស្រាយ ហើយ យើងឃើញថាអន្តរជាតិបានលូកដៃពីគ្រប់ច្រកតម្រង់ទិសមករដ្ឋាភិបាល ហ៊ុន សែន។
ដូច្នេះ សូមជនរួមឈាមខ្មែរយល់ពីបញ្ហានេះ និងបន្តរួមសាមគ្គីគ្នា ឲ្យរឹងមាំដើម្បីការផ្លាស់ប្តូរនៅកម្ពុជាប្រកបដោយសន្តិវិធី និងជោគជ័យនាពេលខាងមុខ។
ដោយ៖ ខ្មែរ សុវណ្ណភូមិ
0 ความคิดเห็น: