Breaking News: កើតហេតុការណ៍អំពើភេរវកម្ម ខ្មាន់កាំភ្លើងបាញ់រះប្រហារទៅលើគ្រិស្តសាសនិកជនបរិស័ទ ក្នុងព្រះវិហារមួយនៅរដ្ឋតិចសាស់! បណ្ដាលអោយមានមនុស្សយ៉ាងតិច ២៧នាក់ត្រូវបានស្លាប់! និងរងរបួសជាង ២០នាក់! - At least 27 people killed in Texas church shooting
យោងតាមប្រភពព័ត៌មានពីសំណាក់សារព័ត៌មាន CNN និង Reuters ទើបចុះផ្សាយថ្មីៗនេះ បានរាយការណ៍អោយដឹងថា៖ កើតហេតុការណ៍អំពើភេរវកម្ម គួរអោយតក់ស្លុតរន្ធត់ចិត្តក្រៃលែងដល់មនុស្សទាំងពិភពលោក ដោយខ្មាន់កាំភ្លើងម្នាក់បានដើរចូលមកក្នុងព្រះវិហារអំឡុងវេលាថ្ងៃត្រង់ ធ្វើការបាញ់រះប្រហារទៅលើគ្រិស្តសាសនិកជនបរិស័ទ ដែលកំពុងប្រកបពិធីកម្មផ្លូវសាសនា សូត្រមន្តថ្ងៃអាទិត្យ ក្នុងព្រះវិហារមួយ ស្ថិតនៅក្នុងរដ្ឋតិចសាស់ ប្រទេសសហរដ្ឋអាមេរិក បណ្ដាលអោយមានមនុស្សយ៉ាងតិច ២៧នាក់ត្រូវបានស្លាប់ភ្លាមៗ និងរងរបួសធ្ងន់/ស្រាលជាង ២០នាក់ ហើយមានក្មេងអាយុ ២ខួប រងរបួស ក្នុងបណ្ដាជនរងរបួសទាំងនោះផងដែរ។
ក្រោយបង្កហេតុបាញ់រះប្រហាររួច ខ្មាន់កាំភ្លើងបានព្យាយាមរត់គេចពីកន្លែងកើតហេតុ ក៏កើតការបាញ់ប្រទះតស៊ូជាមួយកម្លាំងសមត្ថកិច្ច ហើយខ្មាន់កាំភ្លើងក៏ត្រូវកម្លាំងសមត្ថកិច្ចបាញ់ស្លាប់នៅនឹងកន្លែងកើតហេតុតែម្ដង។ ឥឡូវនេះកម្លាំងសមត្ថកិច្ចរបស់ FBI កំពុងស៊ើបសួរក្ដីតក់ស្លុតរន្ធត់ចិត្តនេះ។
ចំណែកលោកប្រធានាធិបតី ដូណាល់ ត្រាំ ដែលកំពុងនៅក្នុងអំឡុងធ្វើដំណើរទស្សនកិច្ចនៅប្រទេសជប៉ុន ក៏បានបង្ហោះសារក្នុងបណ្ដាញទំនាក់ទំនងសង្គមធ្វីធធ័រ (Twitter) ជាផ្លូវការរបស់លោកៗ បានសំដែងនូវសារទុក្ខទោមនស្សចំពោះហេតុការណ៍ដែលបានកើតឡើង និងប្រាប់ថាលោកកំពុងតាមដានស្ថានការណ៍នេះ យ៉ាងល្អិតប្រកិត៕
0 ความคิดเห็น: