ទីបញ្ចប់នៃជីវិតរបស់ចមជនផ្ដាច់ការ រ៉ូប៊ើត មូហ្គាបេ (Robert Mugabe) វ័យ ៩៣ឆ្នាំ ប្រធានាធិបតីនៃហ្ស៊ីមបាវ៉េ (Zimbabwe) ត្រូវគណៈយោធាធ្វើរដ្ឋប្រហារចាប់វាយខ្នោះទាំងក្រុមគ្រួសារញាត់ឃុំឃាំង គ្រប់យ៉ាងឯវំសុញ្ញំ ចប់ជីវិតអនាថក្នុងគុក !!
គណបក្សគ្រប់គ្រងប្រទេសនៃប្រទេសហ្ស៊ីមបាវ៉េ ក្នុងទ្វីបអាហ្វ្រិក បានអះអាងតាមបណ្តាញព័ត៌មានសង្គមថា ចមជនប្រធានាធិបតី រ៉ូប៊ើត មូហ្គាបេ (Robert Mugabe) និងគ្រួសារលោកបានត្រូវបានចាប់វាយខ្នោះញាត់ឃុំឃាំងកាលពីយប់ថ្ងៃអង្គារ នៅក្នុងការប៉ុនប៉ងកាន់តែខ្លាំងដើម្បីទម្លាក់ប្រធានាធិបតីចមជនផ្ដាច់ការរូបនេះដែលកាន់តំណែងយូរយារណាស់មកហើយចេញពីអំណាច។
ព័ត៌មានតាម Twitter នៅព្រឹកថ្ងៃពុធនេះដែលបានត្រូវបញ្ជូនពីគណនី @zanu-pf handle បាននិយាយថា៖ «កាលពីយប់មិញក្រុមគ្រួសារលោកប្រធានាធិបតីចមជនផ្ដាច់ការរូបនេះ បានត្រូវឃាត់ខ្លួនហើយមានសុវត្ថិភាព រដ្ឋធម្មនុញ្ញនិងភាពមិនឆ្កួតវង្វេងរបស់ប្រទេសជាតិជាការចាំបាច់។ ទាំងប្រទេសហ្ស៊ីមបាវ៉េ ទាំងគណបក្ស Zanu មិនមែនជាកម្មសិទ្ធិរបស់ Mugabe និងប្រពន្ធលោកទេ។ ថ្ងៃនេះចាប់ផ្តើមសម័យកាលថ្មីមួយហើយសមមិត្ត Mnangagwa នឹងជួយយើងធ្វើឱ្យមានប្រទេសហ្ស៊ីមបាវ៉េ មួយល្អប្រសើរជាងមុន»។
គណនី Twitter នេះបានត្រូវប្រើប្រាស់កាលពីពេលមុនៗ ដើម្បីបង្ហាញការយល់ឃើញរបស់គណបក្ស ទោះណាជាគេមិនអាចបញ្ជាក់ដោយឯករាជ្យថាការអះអាងទាំងនេះជាការពិតមែនក៏ដោយ។
សារនៅលើ Twitter នេះក៏បាននិយាយយោងដល់លោកអនុប្រធានាធិបតី Emmerson Mnangagwa ដែលបានត្រូវដកចេញពីតំណែងកាលពីពេលថ្មីៗនេះ ហើយដែលកាលពីសប្តាហ៍មុនលោក Mugabe បានចោទប្រកាន់ថា មិនស្មោះត្រង់ហើយថា មានផែនការប្រព្រឹត្តអំពើទុច្ចរិតដើម្បីដណ្តើមអំណាចពីលោកផងដែរ៕
 |
| រូបថតឯកសារ៖ លោក Robert Mugabe និងភរិយារបស់លោក អ្នកស្រី Grace ព្រមទាំងកូនស្រី Bona នៅក្នុងក្រុងហារ៉េរ៉េ ប្រទេសស៊ីមបាវ៉េ។ |
0 ความคิดเห็น: