ក្ដៅៗ! ស្ថានការណ៍នៅឧបទ្វីបកូរ៉េ កំពុងឡើងកម្ដៅជិតឈានដល់សង្គ្រាមនុយក្លេអ៊ែរហើយ! ដោយនៅថ្ងៃម្សិលមិញអាមេរិកបានធ្វើសមយុទ្ធទម្លាក់គ្រាប់បែកនុយក្លេអ៊ែរនៅលើដែនអាកាសឧបទ្វីបកូរ៉េ !! - N. Korea accuses US of 'nuclear strike drill' after bomber flights
ប្រភពព័ត៌មានពី CNN ចុះផ្សាយថ្មីៗនេះ បានអោយដឹងថា៖ យន្តហោះទម្លាក់គ្រាប់បែកប្រភេទធុន B-1 របស់កងទ័ពជើងអាកាសសហរដ្ឋអាមេរិក បានហោះហើរនៅលើឧបទ្វីបកូរ៉េ កាលពីថ្ងៃព្រហស្បតិ៍ម្សិលមិញ ដែលការហោះហើរនេះ ជាផ្នែកមួយនៃការធ្វើសមយុទ្ធទម្លាក់គ្រាប់បែកនុយក្លេអ៊ែរ រួមគ្នាជាមួយហ្វូងយន្ដហោះចម្បាំងរបស់កូរ៉េខាងត្បូងនិងជប៉ុន។ នេះបើយោងតាមការបញ្ជាក់ពីកងកងទ័ពជើងអាកាសរបស់សហរដ្ឋអាមេរិក។ ការធ្វើសមយុទ្ធលើកនេះ ធ្វើឡើងមុនពេលនៃដំណើរទស្សនកិច្ចរបស់លោកប្រធានាធិបតី ដូណាល់ ត្រាំប៍ ទៅកាន់តំបន់អាស៊ី-ប៉ាស៊ីហ្វិក។
យន្ដហោះទម្លាក់គ្រាប់ប្រភេទធុន B-1B Lancers ពីរគ្រឿង បានហោះហើរចេញពីមូលដ្ឋានកងទ័ពជើងអាកាសអេនឌឺសាន់ (Anderson) ដែលស្ថិតនៅលើកោះហ្គួម (Guam) ហើយបានចូលរួមជាមួយយន្ដហោះចម្បាំងរបស់ជប៉ុននៅភាគខាងលិចប្រទេស។ នេះបើតាមការបញ្ជាក់នៅក្នុងសេចក្ដីថ្លែងការណ៍។ សេចក្ដីថ្លែងការណ៍បន្ថែមថា ក្រុមអ្នកលោតឆត្របានឆ្លងកាត់ដីគោកទៅកាន់ប្រទេសកូរ៉េ ដើម្បីចូលរួមជាមួយកងទ័ពកូរ៉េខាងត្បូងនៅសមុទ្រលឿង។ ក្រោយមកយន្ដហោះបានត្រឡប់ក្រោយទៅមូលដ្ឋានកងទ័ពអាកាសវិញ។
ការធ្វើសមយុទ្ធលើកនេះ គឺជាផ្នែកមួយនៃការបំពេញបេសកកម្មទម្លាក់គ្រាប់បែកដ៏សំខាន់ ដែលមានវត្ដយន្ដហោះទម្លាក់គ្រាប់របស់កងទ័ពអាកាសអាមេរិកជាបន្ដបន្ទាប់នៅលើមហាសមុទ្រប៉ាស៊ីហ្វិក ប៉ុន្ដែមិនមែនដើម្បីឆ្លើយតបទៅនឹងព្រឹត្ដិការណ៍នាពេលបច្ចុប្បន្នណាមួយឡើយ។ នេះជាការបញ្ជាក់លំអិតនៅក្នុងសេចក្ដីថ្លែងការណ៍ ចេញដោយកងទ័ពជើងអាកាសរបស់សហរដ្ឋអាមេរិកប្រចាំនៅតំបន់អាស៊ី-ប៉ាស៊ីហ្វិក។
ជាការកត់សម្គាល់ ដោយសារឃើញមានវត្ដមានយន្ដហោះទម្លាក់គ្រាប់របស់អាមេរិកហោះហើរជាញឹកញាប់នៅលើដែនអាកាសឧបទ្វីបកូរ៉េ ធ្វើឲ្យកូរ៉េខាងជើងកើតប្រតិកម្មយ៉ាងខ្លាំង។ កូរ៉េខាងជើង ក៏ថ្កោលទោសការធ្វើសមយុទ្ធរួមគ្នា រវាងអាមេរិកជាមួយកូរ៉េខាងត្បូង និងជប៉ុនផងដែរ៕
((ប្រភព CNN))
0 ความคิดเห็น: