วันอังคารที่ 21 พฤศจิกายน พ.ศ. 2560

James S. Sok: ហ៊ុនសែន ច្បាមយកអំណាចទាំងអស់ហើយ និង ប្រាប់ត្រង់ៗថាគាត់ស្ដាយណាស់ដោយមិនបានសម្លាប់មនុស្សបក្សប្រឆាំងគាត់ឲ្យអស់ច្រើននាក់! ប៉ុណ្ណឹងហើយតើលោកអ្នកដែលប្រកាសប្រឆាំងនឹងអំណាចផ្ដាច់ការ ហ៊ុនសែន នៅតែ..?

in ទស្សនៈ/វិភាគ published on วันอังคาร, พฤศจิกายน 21, 2560 leave a reply

James S. Sok: ហ៊ុនសែន ច្បាមយកអំណាចទាំងអស់ហើយ និង ប្រាប់ត្រង់ៗថាគាត់ស្ដាយណាស់ដោយមិនបានសម្លាប់មនុស្សបក្សប្រឆាំងគាត់ឲ្យអស់ច្រើននាក់! ប៉ុណ្ណឹងហើយតើលោកអ្នកដែលប្រកាសប្រឆាំងនឹងអំណាចផ្ដាច់ការ ហ៊ុនសែន នៅតែ..?

ប្រភពព័ត៌មានពីបណ្ដាញទំនាក់ទំនងសង្គមហ្វេសប៊ុករបស់ លោក James S. Sok ចុះផ្សាយថ្មីៗនេះ នៅលើទំព័រហ្វេសប៊ុករបស់លោក បានអោយដឹងថា៖

ហ៊ុន សែន ច្បាមយកអំណាចទាំងអស់ហើយ។ ហ៊ុនសែន ប្រាប់ត្រង់ៗថាគាត់ស្ដាយណាស់ដោយមិនបានសម្លាប់មនុស្សប្រឆាំងគាត់ឲ្យអស់ច្រើននាក់។

ប៉ុណ្ណឹងហើយតើលោកអ្នកដែលប្រកាសប្រឆាំងនឹងអំណាចផ្ដាច់ការ ហ៊ុនសែន នៅតែ
១) រងចាំឲ្យគេអន្ដរាគមន៍ជំនួសមុខទៀតឬ?,
២) សង្ឃឹមថាបានបោះឆ្នោតឈ្នះឬ?,
៣) ប្រឹងនិយាយរឿងចាស់ៗឬ?,
៤) សប្បាយនិងទះដៃប្រាវៗនិយាយរឿងឥតបានការឬ?,
៥) មុខញញឹមយកគាប់គួរបន្ដឬ?

បរទេសគេមើលឃើញថាខ្មែរយើងដែលជាអ្នកប្រឆាំង ហ៊ុនសែន នេះឥតសូវច្បាស់លាស់សោះ។

- តើអ្វីជាគោលជំហរដាច់ខាត?
- តើអ្វីជាប្លង់គំនិត?
- តើវាជាការតស៊ូស្លាប់រស់ឬដេកចាំ?
- តើត្រូវចំណាយពេលប៉ុន្មានដើម្បីធ្វើការឲ្យចេញលទ្ធផល?

*គូសបញ្ជាក់ផងដែរថា លោកហ៊ុន សែន ថ្លែងក្នុងពិធីជួបសំណេះសំណាលជាមួយកម្មករនិយោជិក ប្រមាណ ៥ពាន់ នៅកោះពេជ្រ នៅថ្ងៃទី១៩ ខែវិច្ឆិកា អតីតកម្មាភិបាលខ្មែរក្រហម និងជាបុរសហិង្សានិយមរូបនេះ និយាយគំរាមប្រល័យថា ប្រសិនបើលោកបានដឹងជាមុន អំពីផែនការរបស់គណបក្សសង្គ្រោះជាតិ ក្នុងការប៉ុនប៉ងផ្តួលរំលំរដ្ឋាភិបាលតាមរយៈរូបភាព «បដិវត្តពណ៌» នោះលោកនឹងបញ្ជាឲ្យក្រុមរបស់លោក សម្លាប់ក្រុមអ្នកប្រឆាំងទាំងអស់នោះចោល តាំងតែពីពេលដែលពួកគេបានដឹកនាំធ្វើបាតុកម្មនៅក្រោយការបោះឆ្នោតឆ្នាំ២០១៣ នៅភ្នំពេញមកម្ល៉េះ។ លោក ហ៊ុន សែន បង្ហើបថា លោកទើបតែទទួលបានព័ត៌មានថា ក្រុមបក្សប្រឆាំងបានកំណត់យកថ្ងៃទី២៩ ខែធ្នូ ឆ្នាំ២០១៣ ជាថ្ងៃផ្តាច់ព្រាត់រំលំរដ្ឋាភិបាលរបស់លោក។ លោក ហ៊ុន សែន ថ្លែងក្នុងឋានៈជានាយករដ្ឋមន្ត្រីថា លោកស្តាយណាស់ដែលលោក មិនបានសម្លាប់អ្នកទាំងនេះ៕