យោងតាមប្រភពព័ត៌មានបែកធ្លាយការណ៍សំងាត់សឹកផ្ទៃក្នុងត្រកូលហ៊ុនកំពុងតែផ្ទុះខ្លាំងឡើងៗ ពីបណ្ដាញសង្គមហ្វេសប៊ុករបស់លោក ឆាំ ឆានី បានអោយដឹងយ៉ាងដូច្នេះថា៖ កូនចៅត្រកូល ហ៊ុន ចាប់ផ្តើមខាំគ្នា ?
ប្រភពស្និទ្ធនៅខុទ្ទកាល័យសម្តេច ជោ បានបង្ហើបថា ប៊ុន រ៉ានី ចង់ឲ្យ ហ៊ុន ម៉ានី ហៅអាជួបខាំ ធ្វើជានាយករដ្ឋមន្ត្រីបន្តពី ហ៊ុន សែន ហើយថែមទាំងយល់ព្រមឲ្យ អាជួបខាំ យកនាង ស៊ិន សក្កដា ជាប្រពន្ធពេញសិទ្ធិទៀតផង តែសម្តេច ជោ មិនព្រមព្រោះសម្តេច ជោ ចង់ឲ្យ ហ៊ុន ម៉ាណែត ធ្វើនាយករដ្ឋមន្ត្រី ហើយបំណងសម្តេច ជោ ត្រូវបាន ម៉ាណា ម៉ានិត និង ហ៊ុន ម៉ាលី គាំទ្រ ជាងនេះទៀត សម្តេច ជោ រិតតែបដិសេធវត្តមាន ស៊ិន សក្កដា រៀបការចូលក្នុងគ្រួសារត្រកូល ហ៊ុន គឺដោយសារ សម្តេចធ្លាប់បានហែលឆ្លងសមុទ្រធំធេងរែងគ្មានទីដៅរបស់ ស៊ិន សក្កដា មុន ហ៊ុន ម៉ានី ទៅហើយ ដូច្នេះសម្តេចដាច់ខាតមិនអនុញ្ញាត្តឲ្យ ហ៊ុន ម៉ានី ជាន់កែងសម្តេចយក ស៊ិន សក្កដា ចូលក្នុងគ្រួសារត្រកូល ហ៊ុន ឡើយ ។
ប្រភពបន្តថា បន្ទាប់ពីក្រុមគ្រួសារសម្តេច ជោ ឈ្លោះគ្នាបែកផ្សែង ក្នុងរឿងដណ្តើមដំណែងនាយករដ្ឋមន្ត្រីបន្តវេននិងវត្តមាន ស៊ិន សក្កដា រៀបការចូលត្រកូល ហ៊ុន ប៉ុន្មានថ្ងៃបន្ទាប់មកសម្តេច ជោ ក៏បាននិយាយនៅល្ងាចថ្ងៃអាទិត្យ ៥កើត ខែមាឃ ឆ្នាំរកា ព.ស២៥៦១ ត្រូវនឹងថ្ងៃទី២១ ខែមករា ឆ្នាំ២០១៨ ក្នុងពិធីជួបសំណេះសណាលជាមួយអ្នកព័ត៌មាន អ្នកនាំពាក្យ និងមន្ត្រីព័ត៌មានប្រមាណ ៣៤០០នាក់ នៅកោះពេជ្រ ថាឲ្យតារាៗដែលអ្នកមានអំណាច មានលុយធ្លាប់យកទៅដេកជាមួយកុំមាត់ ឬបើបញ្ចេញ សុំឲ្យបញ្ចេញចំឈ្មោះ ជាដើម ។ ការលើកឡើងរបស់សម្តេចនេះគឺគ្រាន់តែចង់រំសាយចិត្ត បន្ទាប់ពីក្រុមគ្រួសារគាត់ឈ្លោះគ្នាបែកផ្សែងរឿងដំណែង និងស្រីញីប៉ុណ្ណោះ ។
ចំពោះករណី Hack អាខោនហ្វេសបុក ហ៊ុន ម៉ានី ត្រូវបាន ហ៊ុន ម៉ានី សង្ស័យថា ជាស្នាដៃ ហ៊ុន ម៉ាណែត និង ម៉ានិត ព្រោះ ម៉ាណែត និង ម៉ានិត មានក្រុមជើងខ្លាំងខាង Hack ។
ម៉ានី សង្ស័យថា ម៉ាណែត និង ម៉ានិត ដែលមាន ម៉ាណា ម៉ាលី គាំទ្រផងនោះ Hack អាខោនហ្វេសបុកខ្លួន ដើម្បីទម្លាយរឿងស្រីឲ្យ ប៊ុន រ៉ានី ដឹង ព្រោះចាប់តាំងពី រឿងអាស្រូវស្រីញីរបស់ ម៉ានី បែកធ្លាយ ប៊ុន រ៉ានី មិនដែលនិយាយទាមទារឲ្យ ម៉ានី ធ្វើជានាយរដ្ឋមន្ត្រី និងរៀបការជាមួយ ស៊ិន សក្កដា ទៀតឡើយ ។
ជម្លោះក្នុងគ្រួសារត្រកូល ហ៊ុន រហូតដល់ថ្ងៃនេះនៅតែក្តៅគគុកនៅឡើយទេ ជាក់ស្តែការបង្ហោះរឿង ម៉ានី ក្នុង Facebook Page របស់ស្ថានីយទូរទស្សន៍ BTV គឺជាការបញ្ជារបស់ ម៉ាណា ឲ្យបង្ហោះ ហើយចំពោះការផ្សាយថាត្រូវបានពួក Hacker យកគ្រប់គ្រងវាគ្រាន់តែជាល្បិច ឆ្កែស៊ីបាយ លាបមាត់ពពែដែលក្រុមគ្រួសារនេះធ្លាប់ប្រើតែប៉ុណ្ណោះ ហើយការដំឡើងឋានន្តរស័ក្តិ ម៉ានី នៅក្នុងជួរកងទ័ព ពីឋានៈជាវរសេនីយ៍ទោ ទៅជាវរសេនីយ៍ឯកទៀតសោត គឺសម្តេច ជោ គ្រាន់តែជាលើកទឹកចិត្ត ប៊ុន រ៉ានី និង ម៉ានី កុំឲ្យបន្តជម្លោះក្នុងគ្រួសារបន្តទៀត តែការតែងតាំងនេះ ម៉ាណា ម៉ាណែត ម៉ាលី និង ម៉ានិត មិនសប្បាយចិត្តឡើយ ៕
ប្រភព៖ Chham Chhany
0 ความคิดเห็น: