ធ្វើអោយខ្មែរអស់សំណើចលេង៖ ហង់ ជួនណារ៉ុន រដ្ឋមន្ត្រីក្រសួងអប់រំ ស្ដីបន្ទោសអ្នកគ្រប់គ្រងនៅនាយកដ្ឋានស្រាវជ្រាវវិទ្យាសាស្ត្រ LOL!
បន្ទាប់ពីលុបឈ្មោះលោក រ៉ុង ឈុន ចេញពីក្របខ័ណ្ឌក្រសួងអប់រំ ដោយសារតែមូលហេតុអវត្តមានគ្មានច្បាប់អនុញ្ញាត លោក ហង់ ជួនណារ៉ុន រដ្ឋមន្ត្រីក្រសួងអប់រំ បានស្ដីបន្ទោសអ្នកគ្រប់គ្រង នៅនាយកដ្ឋានស្រាវជ្រាវវិទ្យាសាស្ត្រ ដែលមិនបានគ្រប់បុគ្គលិកក្រោមឱវាទឱ្យបានល្អ បណ្ដែតបណ្ដោយឱ្យបុគ្គលិកធ្វើខុស។
បុគ្គលិកអប់រំចំនួន២៤នាក់ ដែលធ្វើការនៅនាយកដ្ឋានស្រាវជ្រាវវិទ្យាសាស្ត្រ ត្រូវបានរដ្ឋមន្ត្រីក្រសួងអប់រំ លោក ហង់ ជួនណារ៉ុន ស្ដីបន្ទោសដោយសារមិនចេះគ្រប់គ្រងកូនចៅ និងមិនបានមកបំពេញការងារជាប់លាប់ ក្រោយពីលុបឈ្មោះលោក រ៉ុន ឈុន អតីតសមាជិក គ.ជ.ប និងជាអតីតប្រធានសមាគមគ្រូបង្រៀនឯករាជ្យ ចេញពីក្របខ័ណ្ឌក្រសួង ដោយសារតែមូលហេតុអវត្តមានគ្មានច្បាប់អនុញ្ញាត។
បុគ្គលិកអប់រំចំនួន២៤នាក់ដែលរដ្ឋមន្ត្រីស្ដីបន្ទោសនោះរួមមាន៤នាក់ ជាប្រធាននាយកដ្ឋាន និងប្រធានការិយាល័យនៃនាយកដ្ឋានស្រាវជ្រាវវិទ្យាសាស្ត្រ។ ដោយឡែក២០នាក់ទៀត ជាបុគ្គលិកបម្រើការងារនៅនាយកដ្ឋានស្រាវជ្រាវវិទ្យាសាស្ត្រ។ នេះបើយោងតាមប្រកាសស្ដីបន្ទោសរបស់ក្រសួងអប់រំចុះថ្ងៃទី៣០ ខែមករា ឆ្នាំ២០១៨ ដែលមានការចុះហត្ថលេខាដោយរដ្ឋមន្ត្រីក្រសួងអប់រំ លោក ហង់ ជួនណារ៉ុន ដោយផ្ទាល់។
សូមបញ្ជាក់ថា លោក រ៉ុន ឈុន ត្រូវបានក្រសួងអប់រំសម្រេចលុបឈ្មោះចេញពីក្របខ័ណ្ឌចាប់ថ្ងៃទី០១ មករា ឆ្នាំ២០១៨ តទៅ ក្រោមមូលហេតុថា អវត្តមានគ្មានច្បាប់អនុញ្ញាត។ ប៉ុន្តែលោក រ៉ុង ឈុន វិញ ថាការលុបឈ្មោះលោកចេញពីក្របខ័ណ្ឌ ដោយសារតែមូលហេតុអវត្តមានគ្មានច្បាប់បែបនេះ គឺមិនសមហេតុផល និងត្រឹមត្រូវតាមច្បាប់នោះទេ។
លោក រ៉ុន ឈុន បានអះអាងថា នៅពេលលោកទៅម្រើការងារនៅ គ.ជ.ប លោកបានសុំច្បាប់ពិសេស ហើយក្រោយពីលាឈប់បម្រើការងារនៅ គ.ជ.ប លោកបានដាក់ពាក្យស្នើសុំនៅថ្ងៃទី០៣ ខែមករា ឆ្នាំ២០១៨ ដើម្បីបានចូលបម្រើការងារជាក្របខ័ណ្ឌក្រសួងអប់រំវិញ នៅថ្ងៃទី០១ ខែកុម្ភៈ ឆ្នាំ២០១៨។ ចំពោះការលុបឈ្មោះចេញពីក្របខ័ណ្ឌដោយសារតែមូលហេតុអវត្តមានគ្មានច្បាប់នេះ លោកនឹងពិនិត្យពិចារណាដើម្បីប្ដឹងតវ៉ាក្នុងរឿងនេះផងដែរ៕
ប្រភព៖ វិទ្យុវាយោ
0 ความคิดเห็น: