តុលាការចោទប្រកាន់អ្នកលក់គ្រាប់កាំភ្លើងពាក់ព័ន្ធនឹងការបាញ់ប្រហារនៅក្នុងទីក្រុង Las Vegas-Ammunition dealer charged in Las Vegas shooting
បុរសម្នាក់ដែលលក់គ្រាប់កាំភ្លើងរាប់រយគ្រាប់ឲ្យទៅខ្មាន់កាំភ្លើងដែលបានបាញ់រះចេញពីបង្អួចក្នុងសណ្ឋាគារក្នុងទីក្រុង Las Vegas ដែលសម្លាប់មនុស្ស៥៨នាក់នោះ ត្រូវបានចោទកាលពីថ្ងៃសុក្រ ពីបទឃុបឃិត និងលក់គ្រាប់កាំភ្លើងដោយគ្មានអជ្ញាប័ណ្ណ។ បុរសនោះប្រឈមជាប់ពន្ធនាគារ៥ឆ្នាំ និងពិន័យជាប្រាក់ចំនួន២សែន៥ម៉ឺនដុល្លារ។
បុរសឈ្មោះ Douglas Haig រស់នៅក្នុងរដ្ឋ Arizona គឺជាមនុស្សទី១ ដែលត្រូវបានតុលាការចោទប្រកាន់ជាប់ពាក់ព័ន្ធនឹងការបាញ់រះសម្លាប់មនុស្សកាលពី ខែតុលា ដែលជាការបាញ់សម្លាប់យ៉ាងរង្គាលនៅក្នុងប្រវត្តិសាស្រ្ដសហរដ្ឋអាមេរិក។
លោកបានបង់ប្រាក់ធានាសុំនៅក្រៅឃុំដើម្បីពន្យារពេលការកាត់ក្តីជាលើកដំបូងរហូតដល់ថ្ងៃទី១៥ ខែកុម្ភៈនៅក្នុងទីក្រុង Phoenix។
ប៉ូលិសបានរកឃើញស្នាមម្រាមដៃរបស់លោក Haig ជាប់ជាមួយនឹងគ្រាប់កាំភ្លើងនៅក្នុងបន្ទប់សណ្ឋាគារដែលខ្មាន់កាំភ្លើងឈ្មោះ Stephen Paddock បានបាញ់រះមកលើហ្វូងមនុស្សនោះ។
ខ្មាន់កាំភ្លើងឈ្មោះ Paddock បានបាញ់រះចេញពីបន្ទប់សណ្ឋាគារនៅជាន់ទី៣២ មកលើហ្វូងមនុស្សដែលកំពុងឈរទស្សនាការប្រគុំតន្ត្រី Country Music និងបន្ទាប់មកបាញ់សម្លាប់ខ្លួនឯង។
លោក Haig និងមេធាវីរបស់លោក បាននិយាយថា ជនឈ្មោះ Paddock នេះមិនបានប្រើគ្រាប់កាំភ្លើងដែលបានទិញពីលោក Haig បាញ់ទៅលើហ្វូងមនុស្សនោះទេ។
បន្ថែមពីការរកឃើញស្នាមម្រាមដៃរបស់លោក Haig នៅជាប់ជាមួយនឹងគ្រាប់កាំភ្លើងដែលបានរកឃើញនៅក្នុងបន្ទប់សណ្ឋាគារនេះហើយ ប៉ូលិសក៏បានរកឃើញអក្សរនៅជាប់ជាមួយនឹងសម្ភារៈបញ្ជាក់ចេញពីហាងរបស់លោក Haig និងប្រអប់មួយទៀតរបស់ហាងនេះផងដែរ៕ (ប្រភព៖ េវីអូអេខ្មែរ)
 |
| លោក Douglas Haig ឆ្លើយសំណួរអ្នកកាសែតកាលពីថ្ងៃទី២ កុម្ភៈ ២០១៨ អំពីបទពិសោធន៍របស់លោកក្នុងការលក់គ្រាប់កាំភ្លើងទៅឲ្យខ្មាន់កាំភ្លើងដែលបាញ់សម្លាប់មនុស្ស៥៨នាក់ នៅ Las Vegas។ |
0 ความคิดเห็น: