មនុស្ស ៥ នាក់ត្រូវបញ្ជួនទៅតុលាការថ្ងៃនេះ ក្នុងរឿងឃាតកម្មអ្នកស្រី ចេវ សុវឌ្ឍនា
ថ្ងៃនេះ ៣១ មីនា ២០១៨ ប៉ូលីសក្រសួងមហាផ្ទៃបានបញ្ជួនជនសង្ស័យចំនួន៥នាក់ទៅតុលាការ ដែលអ្នកទាំង៥នោះគឺ៖
ទី១ អ្នកបើកបររថយន្តអតីតអភិបាលខេត្ត លោកឡាយ វណ្ណៈ ។
ទី២ អ្នកបើកបររថយន្តឱ្យលោកឡាយ ណារិទ្ធ ស្នងការនគរបាលខេត្ត ។
ទី៣ លោកឡាយ ណារិទ្ធ ស្នងការរងនគរបាលខេត្ត ព្រមទាំង២នាក់ទៀតជាប្តី-ប្រពន្ធ អ្នកបម្រើនៅផ្ទះ នាងចេវ សុវឌ្ឍនា ដែលជាសាក្សីសំខាន់បំផុតក្នុងអំពើឃាតកម្មនេះផងដែរ ។
ប្រភពពត៌មានគាំទ្ររបប ហ៊ុន សែន Swift News បានចុះផ្សាយថាប៉ូលិសក្រសួងមហាផ្ទៃបង្ហើបថា ការចាប់ខ្លួនអតីតអភិបាលខេត្តតាកែវ លោក ឡាយ វណ្ណៈ រួមទាំងការឃាត់ខ្លួនបងប្រុសរបស់លោក គឺលោក ឡាយ ណារិទ្ធ និងបក្ខពួក ពាក់ព័ន្ធសំណុំរឿងឃាតកម្មនេះ មិនត្រូវបានក្រសួងមហាផ្ទៃ ប្រកាសជាផ្លូវការនៅឡើយទេ ដោយរង់ចាំសម្តេចតេជោ ហ៊ុន សែន អញ្ជើញមកដល់ភ្នំពេញ នៅម៉ោង ៥-៦ ល្ងាចថ្ងៃសៅរ៍ ទី៣១ ខែមីនានេះសិន ។
ការរង់ ហ៊ុន សែន ឲ្យមកវិនិច្ឆ័យក្នុងរឿងឃាតកម្មនេះ ត្រូវបានមហាជនឆ្ងល់ថា ចុះបើ ហ៊ុន សែន ទៅលែងមក រឿងនេះត្រូវផ្អឹបតែប៉ុណ្ណឹង ? ឬក៏ចាំ ហ៊ុន សែន មកពិនិត្យសិនថាការរៀបចំឃាតករ និងអ្នកនៅពីក្រោយ សិប្បនិម្មិត ទទួលទោសជំនួសត្រកូល ហ៊ុន សមឬអត់ ? ៕ ប្រភព៖ Chham Chhany
កាន់តែច្បាស់ឃាត់ខ្លួន ៥ នាក់៖ គេធ្វើក ត្រកូលឡាយដែលធ្លាប់ក្អេងក្អាង អាងខ្មោច សុខ អាន កាលនៅរស់ និងដើម្បីលាងភាពកខ្វក់ឲ្យត្រកូលហ៊ុន!
អ្នកណាក៏ដឹងដែរថា ហ៊ុន សែន ស្អប់ សុខ អាន និងក្រុមមនុស្សរបស់ សុខ អាន ខ្លាំងណាស់ ហើយនៅកម្ពុជា មានតែ សុខ អាន មួយទេ ដែល ហ៊ុន សែន មិនដែលហ៊ានប៉ះសូម្បីតែមួយសរសៃរសក់។ ដោយឡែក ខាងត្រកូលឡាយ ជាមនុស្សលត់ក្រាប និងបានយសស័ក្កិដោយសារ សុខ អាន ទាំងអស់ ហើយ ខ្មែរ សុវណ្ណភូមិ បាននិយាយច្បាស់ៗថា មិនយូរទេ ឡាយ វណ្ណៈ នឹងត្រូវ ហ៊ុន សែន ធ្វើស៊ីហើយក្រោយពីការស្លាប់របស់ សុខ អាន នេះ។
ជាក់ស្តែងពេលនេះ គឺ ឡាយ វណ្ណៈ ត្រូវគេដកតំណែងឲ្យមកបញ្ឈរជើងនៅកន្លែងថ្មី ហើយរឿងឃាតកម្មត្រូវបានគេស៊ើបឡើងវិញ ដោយក្នុងនោះគឺមានមនុស្សពាក់ព័ន្ធ៥នាក់កំពុងឃាត់ខ្លួននៅក្រសួងមហាផ្ទៃ ក្រោយពេលសួរចម្លើយរួចរួមមាន៖ ទី១អ្នកបើកបររថយន្តអតីតអភិបាលខេត្ត ឡាយ វណ្ណៈ ។ ទី២ អ្នកបើកបររថយន្តឱ្យ ឡាយ ណារិទ្ធ ស្នងការនគរបាលខេត្ត ។ ទី៣ ឡាយ ណារិទ្ធ ស្នងការរងនគរបាលខេត្តត្រូវជាបងរបស់ ឡាយវណ្ណៈ និងទី៤ ទី៥ មាន២នាក់ទៀតជាប្តី-ប្រពន្ធ អ្នកបម្រើនៅផ្ទះ នាងចេវ សុវឌ្ឍនា ដែលជាសាក្សីសំខាន់បំផុតក្នុងអំពើឃាតកម្មនេះផងដែរ ។
តាមពិតអ្នកធ្វើការធំៗក្នុងជួររដ្ឋាភិបាលអ្នកណាក៏ដឹងដែរថា នាង ចេវ សុវឌ្ឍនា គឺជាស្រីលួចលាក់របស់ ហ៊ុន ម៉ាណែត។ ចុះហេតុអ្វីបានជា ខាងក្រុមត្រកូលឡាយជាអ្នកសំលាប់ទៅវិញ? បើឡាយ វណ្ណៈ យកនាង ជាស្រីលួចលាក់ ហេតុអ្វីមកជួលផ្ទះឲ្យនាងសម្រាកកាយនៅក្បែរខ្លួន តែមិនជួលឲ្យនៅឆ្ងាយដើម្បីងាយបិទបាំង? ដូចជាមិនសមទាល់តែសោះ។ ពោលមានតែអ្នកនៅភ្នំពេញទេ ទើបធ្វើបែបបនេះ។ ប្រភព ៖ ខ្មែរ សុវណ្ណភូមិ
