วันอังคารที่ 20 มีนาคม พ.ศ. 2561

អុញនោះ! ធ្លាយខ្ទេចធ្លាយខ្ទីគ្មានទីកំបាំងឡើយ បងប្អូនអើយ ហ៊ុន សែន ប្រើអំណាចរដ្ឋជាខែលផ្ទេរដីរដ្ឋចំនួន ៤៧៣ ១៧៦ ម៉ែត្រក្រឡា ឲ្យដល់ ហ៊ុន ម៉ាណា ជាកូនស្រី !

in ដីធ្លី published on วันอังคาร, มีนาคม 20, 2561 leave a reply

អំណាចរដ្ឋសព្វថ្ងៃត្រូវបានលោក ហ៊ុន សែន ប្រើដើម្បីបំរើផលប្រយោជន៍គ្រួសារ និង បក្សពួក មិនមែនដើម្បីផលប្រយោជន៍ជាតិ និង ប្រជាពលរដ្ឋជាម្ចាស់ប្រទេសទេ ហេតុនោះ លោក ហ៊ុន សែនទើប គ្មានភាពស្របច្បាប់ក្នុងការប្រើអំណាចរដ្ឋសព្វថ្ងៃនេះទេ លោក ហ៊ុន សែន មានសិទ្ធិត្រឹមតែជាម្ចាស់ក្រុមហ៊ុនមួយរបស់គ្រួសារលោកប៉ុណ្ណោះ ។

ផ្ទៃដីបឹងជើងឯក និង ប្រឡាយឋិតនៅខណ្ឌមានជ័យ និង ខណ្ឌដង្កោ ក្រុងភ្នំពេញ និង ក្រុងតាខ្មៅ ខេត្តកណ្តាលទំហំ ៤៧៣ ១៧៦ ម៉ែត្រក្រឡា ដែលជាទ្រព្យសម្បត្តិសាធារណៈរបស់រដ្ឋត្រូវបានលោក ហ៊ុន សែន សម្រេចធ្វើអនុបយោគ(ផ្ទេរ)ជាដីឯកជនដើម្បីផ្តល់ជូនក្រុមហ៊ុន អ័រគីដេ វីឡា ៤ ឯ.ក ដែលគេស្គាល់ថាជាក្រុមហ៊ុនឯកជនរបស់លោកស្រី ហ៊ុន ម៉ាណា ត្រូវជាកូនស្រីបង្កើតរបស់នាយករដ្ឋមន្ត្រីដ៏មានឥទ្ធិពល និង លោកឧកញ៉ា ខូវ គឹមបាក់ ដោយប្រើអនុក្រឹត្យលេខ១២អនក្រ.បក ចុះថ្ងៃទី០៧ ខែកុម្ភៈ ឆ្នាំ ២០១៨ ត្រូវនឹងថ្ងៃពុធ ៧រោច ខែមាឃ ឆ្នាំរកា នព្វស័ក ព.ស.២៥៦១ ។

ក្នុងចំណោមផ្ទៃដីបឹងជើងឯក និងប្រឡាយទំហំ ៤៧៣ ១៧៦ ម៉ែត្រក្រឡានោះ គឺផ្ទៃដីទំហំ៣៧៤ ៦៧៨ម៉ែត្រក្រឡា ឋិតនៅភូមិខ្វា ភូមិម័ល និងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ត្រូវបានរដ្ឋាភិបាលកម្ពុជាមានលោក ហ៊ុន សែនជាប្រមុខ ផ្ទេរឲ្យជាកម្មសិទ្ធិជូនក្រុមហ៊ុន អ័រគីដេ វីឡា ៤ ឯ.ក (Orkide Villa) ដែលគេស្គាល់ថា ជាក្រុមហ៊ុនរបស់លោកស្រី ហ៊ុន ម៉ាណា ត្រូវជាកូនបង្កើតរបស់លោក ហ៊ុន សែន និង ផ្ទៃដីទំហំ ៩៨ ៤៩៨ ម៉ែត្រក្រឡា ឋិតនៅភូមិខ្វា ភូមិម័ល និង ភូមិសំបួរ សង្កាត់ដង្កោ ខណ្ឌដង្កោ ក្រុងភ្នំពេញ ត្រូវបានរដ្ឋាភិបាលផ្ទេរជាកម្មសិទ្ធិជូនលោកឧកញ៉ា ខូវ គឹមបាក់ ។

ពាក់ព័ន្ធនឹងផ្ទៃដីបឹងជើងឯក និងប្រឡាយនេះដែរ គឺ រដ្ឋាភិបាលកម្ពុជាធ្លាប់បានសម្រេចកាត់ផ្ទៃដីទំហំ ៣០ ហិកតាឲ្យទៅក្រុមហ៊ុន ING Holding Co.,Ltd. ដែលគេស្គាល់ថាជាក្រុមហ៊ុនរបស់លោកឧកញ៉ា អ៊ឹង ប៊ុនហ៊ូវ និង លោកឧកញ៉ា លឹម រស់ ព្រមទាំងលោកឧកញ៉ា លឹម ប៊ុនសួរ ធ្វើជាកម្មសិទ្ធិ ដោយអនុក្រឹត្យលេខ ០៥ អនក្រ.បក ចុះថ្ងៃទី ១៨ ខែមករា ឆ្នាំ២០១៨ ។ មានន័យថា ផ្ទៃដីបឹងជើងឯក និង ប្រឡាយទំហំជិត១០០ ហិកតា ត្រូវបានលោក ហ៊ុន សែន សម្រេចលក់ឲ្យទៅក្រុមហ៊ុនឯកជន និង ឈ្មួញគ្រាក់ៗចំនួន ៣ ធ្វើជាកម្មសិទ្ធិ គឺ ក្រុមហ៊ុន អ័រគីដេ វីឡា ៤ ឯ.ក របស់លោកស្រី ហ៊ុន ម៉ាណា ត្រូវជាកូនស្រីបង្កើត, ក្រុមហ៊ុន ING Holding Co.,Ltd. របស់លោកឧកញ៉ា អ៊ឹង ប៊ុនហ៊ូវ, លោកឧកញ៉ា លឹម រស់, លោកឧកញ៉ា លឹម ប៊ុនសួរ និង ក្រុមហ៊ុនរបស់លោកឧកញ៉ា ខូវ គឹមបាក់ ។

លោក ខូវ គឹមបាក់ គឺជាឈ្មួញរកស៊ីដ៏សកម្មម្នាក់ដែលគាំទ្រគណបក្សប្រជាជនកម្ពុជា ហើយត្រូវបានតែងតាំងជាឧកញ៉ា ដោយព្រះរាជក្រឹត្យលេខនស/រកត/០៧៩៩/០៨ ចុះថ្ងៃទី០៥ ខែកក្កដា ឆ្នាំ១៩៩៩ ។ បច្ចុប្បន្ន លោកឧកញ៉ា ខូវ គឹមបាក់ ជាអនុប្រធានក្រុមការងារគណបក្សប្រជាជនកម្ពុជា ចុះជួយឃុំគគីរ ស្រុកកៀនស្វាយ ខេត្តកណ្តាល ៕ DTN7