បាតុកររាប់ពាន់នាក់បានប្រមូលផ្តុំគ្នានៅរដ្ឋធានីវ៉ាស៊ីនតោន និងទីក្រុងផ្សេងៗទៀតរបស់សហរដ្ឋអាមេរិកកាលពីថ្ងៃសៅរ៍ដើម្បីខិតខំធ្វើឲ្យច្បាប់ត្រួតពិនិត្យកាំភ្លើងដ៏តឹងរ៉ឹងបន្ទាប់ពីការបាញ់សម្លាប់រង្គាលកាលពីពេលថ្មីៗនេះដែលបានបណ្តាលឲ្យផ្ទុះកំហឹងនិងមានសកម្មភាពខាងនយោបាយក្នុងចំណោមយុវជនក្មេងៗនៅទូទាំងប្រទេស។
Cameron Kasky ជាសិស្សម្នាក់នៅរស់រានមានជីវិតពីការសម្លាប់រង្គាលសិស្សនិងបុគ្គលិកចំនួន១៧នាក់នៅវិទ្យាល័យ Marjory Stoneman Douglas ក្នុងទីក្រុង Parkland រដ្ឋ Florida កាលពីថ្ងៃទី១៤ ខែកុម្ភៈ។ សិស្សរូបនោះក៏បានប្រាប់ហ្វូងមនុស្សនៅរដ្ឋធានីវ៉ាស៊ីនតោនថា «ពលរដ្ឋទាមទារឲ្យមានច្បាប់ហាមឃាត់ការ លក់អាវុធ។ពលរដ្ឋទាមទារឲ្យហាមឃាត់ការលក់អាវុធដែលមានកម្លាំងខ្លាំង។ពលរដ្ឋទាមទារឲ្យមានការពិនិត្យប្រវត្តិជាសាកល។ក្រោកឈរឡើងនៅពេលខាងមុខ បើពុំដូច្នេះប្រុងប្រយ័តការបោះឆ្នោតពេលខាងមុខ»។
 |
| មនុស្សម្នាធ្វើបាតុកម្មនៅមហាវិថី Pennsylvania ក្នុងប្រធានបទ «ដើរក្បួនសម្រាប់ជីវិតរបស់យើង» ដើម្បីគាំទ្រដល់ការគ្រប់គ្រងអាវុធ កាលពីថ្ងៃទី២៤ មីនា ២០១៨ ក្នុងរដ្ឋធានីវ៉ាស៊ីនតោន។ |
យោងតាមសិស្សម្នាក់ដែលរៀបចំចាត់ចែងក្រុមត្រួតត្រាកាំភ្លើងដែលមានឈ្មោះថា «គ្រប់ទីក្រុងទាំងអស់មានកាំភ្លើងសុវត្ថិភាពបាន»និយាយថា បាតុកម្មដែលមានឈ្មោះ « March for Our Lives»ដែលដឹកនាំដោយពួកអ្នកនៅរស់រានមានជីវិតនៃការបាញ់សម្លាប់រង្គាលនៅក្រុង Parkland ត្រូវគេរំពឹងនឹងទាក់ទាញមនុស្សរាប់សែននាក់។ បាតុកម្មសំខាន់នៅរដ្ឋធានីរបស់សហរដ្ឋអាមេរិកនឹងទាក់ទាញមនុស្សយ៉ាងច្រើនរហូតដល់៥សែននាក់។
បាតុកម្មរបស់ស្រីៗជាង៨រយបានត្រូវគ្រោងធ្វើឡើងនៅក្នុងរដ្ឋចំនួន៥០របស់សហរដ្ឋងាមេរិកនិងទូទាំងពិភពលោក៕
1. មនុស្សម្នាបានដើរពេញផ្លូវ Pennsylvania Avenue ក្នុងពេល «ការដើរក្បួនដើម្បីជីវិតរបស់យើង» ដែលជាការទាមទារឲ្យមានការរឹតបន្តឹងដល់ការគ្រប់គ្រងកាំភ្លើង។
2. អ្នកចូលរួមម្នាក់មានការរំជួលចិត្ត គ្រាដែលយុវជន Zion Kelly មកពីរដ្ឋធានីវ៉ាស៊ីនតោន ដែលបានបាត់បង់បងប្អូនប្រុសភ្លោះម្នាក់របស់ខ្លួនឈ្មោះ Zaire ក្នុងអំពើហិង្សាដោយកាំភ្លើង នៅក្នុងឆ្នាំ ២០១៧ ថ្លែងទៅកាន់អ្នកចូលរួមនៅក្នុង«ការដើរក្បួនដើម្បីជីវិតរបស់យើង» ក្នុងរដ្ឋធានីវ៉ាស៊ីនតោននៅថ្ងៃទី២៤ ខែមីនា ឆ្នាំ២០១៨។
3. អ្នកចូលរួមនៅក្នុង«ការដើរក្បួនដើម្បីជីវិតរបស់យើង» ក្នុងរដ្ឋធានីវ៉ាស៊ីនតោននៅថ្ងៃទី២៤ ខែមីនា ឆ្នាំ២០១៨។
4. ក្រុមអ្នកតវ៉ាប្រឆាំងនឹងការគ្រប់គ្រងកាំភ្លើងកាន់បដានៅក្នុង«ការដើរក្បួនដើម្បីជីវិតរបស់យើង» ក្នុងរដ្ឋធានីវ៉ាស៊ីនតោននៅថ្ងៃទី២៤ ខែមីនា ឆ្នាំ២០១៨។ (G. Tobias/VOA)
5. ហ្វូងមហាជនកាន់ស្លាកសញ្ញានានា នៅតាមផ្លូវ Pennsylvania Avenue នៅក្នុង«ការដើរក្បួនដើម្បីជីវិតរបស់យើង» ក្នុងរដ្ឋធានីវ៉ាស៊ីនតោននៅថ្ងៃទី២៤ ខែមីនា ឆ្នាំ២០១៨។
6. ក្រុមអ្នកតវ៉ាកាន់រូបថតជនរងគ្រោះដោយការបាញ់សម្លាប់ នៅក្នុង«ការដើរក្បួនដើម្បីជីវិតរបស់យើង» ក្នុងបុរីញូយ៉កនៅថ្ងៃទី២៤ ខែមីនា ឆ្នាំ២០១៨។
7. អ្នកចូលរួមកាន់ស្លាកសញ្ញា នៅក្នុង«ការដើរក្បួនដើម្បីជីវិតរបស់យើង» ក្នុងរដ្ឋធានីវ៉ាស៊ីនតោននៅថ្ងៃទី២៤ ខែមីនា ឆ្នាំ២០១៨។
8. នាងKendall McKee (ឆ្វេង) អាយុ១១ឆ្នាំ និងនាងAmber R. ដែលជាអ្នកគាំទ្រការប្រើប្រាស់កាំភ្លើង ដើរក្បួនដើម្បីគាំទ្រឲ្យមានការពង្រឹងដល់សាលារៀន និងផ្តល់អាវុធដល់គ្រូបង្រៀន នៅក្នុងទីក្រុង Salt Lake City នៅថ្ងៃទី ២៤ ខែមីនា ឆ្នាំ២០១៨។
9. យុវជនLevi Rodas អាយុ ១៦ឆ្នាំ មកពីវិទ្យាល័យ Orem High School ដើរក្បួនគាំទ្រការប្រើប្រាស់កាំភ្លើងនៅក្នុងទីក្រុង Salt Lake City នៅថ្ងៃទី ២៤ ខែមីនា ឆ្នាំ២០១៨។
10. អ្នកចូលរួមជួបជុំគ្នាក្នុងអំឡុងពេលនៅក្នុង«ការដើរក្បួនដើម្បីជីវិតរបស់យើង» ក្នុងទីក្រុងParkland រដ្ឋFlorida។
11. មនុស្សម្នាជួបជុំគ្នាក្នុងអំឡុងពេលនៅក្នុង«ការដើរក្បួនដើម្បីជីវិតរបស់យើង» ក្នុងទីក្រុង Houston។
12. តារាចម្រៀង នាងAriana Grande សម្តែងនៅក្នុង«ការដើរក្បួនដើម្បីជីវិតរបស់យើង» ជាការគាំទ្រដល់ការឲ្យមានការគ្រប់គ្រងកាំភ្លើងក្នុងរដ្ឋធានីវ៉ាស៊ីនតោននៅថ្ងៃទី២៤ ខែមីនា ឆ្នាំ២០១៨។
13. បុរសម្នាក់កាន់ស្លាកសញ្ញាប្រឆាំងនឹងការឲ្យមានការគ្រប់គ្រងកាំភ្លើងក្នុងបុរីញូយ៉កនៅថ្ងៃទី២៤ ខែមីនា ឆ្នាំ២០១៨។
14. មនុស្សម្នាកាន់បដានៅក្នុងព្រឹត្តិការណ៍«ការដើរក្បួនដើម្បីជីវិតរបស់យើង» ក្នុងទីក្រុងប៉ារីស នៅថ្ងៃទី២៤ ខែមីនា ឆ្នាំ២០១៨។
15. មនុស្សម្នាបានចូលរួមនៅក្នុង«ការដើរក្បួនដើម្បីជីវិតរបស់យើង» នៅខាងក្រៅស្ថានកុងស៊ុលអាមេរិកក្នុងទីក្រុង Sao Paulo នៃប្រទេសប្រេស៊ីលនៅថ្ងៃទី២៤ ខែមីនា ឆ្នាំ២០១៨។
ប្រភព៖ វីអូអេខ្មែរ
0 ความคิดเห็น: