ព័ត៌មានក្តៅៗហុយៗ គ្រាន់តែហ៊ុន សែន និយាយដល់ព្រះភិក្ខុសង្ឃមួយអង្គឈ្មោះ ម៉ា រី ព្រឹកមិញ ក្រុមប៉ូលិសខេត្តកំពត ក៏ឃាត់ខ្លួនចាប់ផ្សឹកបានភ្លាម ផ្គាប់ចិត្តសម្ដេចជោរបានភ្លែតតែម្ដង !
ប៉ូលិសខេត្តកំពត នៅថ្ងៃទី ២១ មីនា ឆ្នាំ២០១៨ នេះ បានចាប់ខ្លួនព្រះភិក្ខុសង្ឃមួយអង្គឈ្មោះ ម៉ា រី ដែលនិយាយរិះគន់សម្តេចជោរ អំពីដំណើរទស្សនកិច្ចទៅប្រទេសអូស្រ្តាលី ថា បានទទួលភាពបរាជ័យទាំងស្រុង គ្រាន់តែលឺថា បរាជ័យ សម្តេចជោរខឹងយ៉ាងខ្លាំង ទើបនៅព្រឹកមិញនេះបានបញ្ជាឲ្យអាជ្ញាធរមានសមត្ថកិច្ចស្រាវជ្រាវតាមរកចាប់ខ្លួនព្រះភិក្ខុសង្ឃវ័យចំណាស់មួយអង្គនោះនៅព្រឹកថ្ងៃទី ២១ ខែ មីនា ឆ្នាំ ២០១៨ នេះ។
លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបាននិយាយថា សមត្ថកិច្ចបានចាប់ខ្លួនព្រះភិក្ខុសង្ឃមួយអង្គឈ្មោះ ម៉ា រី អាយុ ៧២ ឆ្នាំ នៅចំណុចភូមិព្រែកគ្រឹះ ឃុំព្រែកគ្រឹះ ស្រុកកំពង់ត្រាច ខេត្តកំពត ដើម្បីនាំមកសាកសួរនិងចាប់ផ្សឹកនៅស្នងការដ្ឋាននគរបាលខេត្តកំពត។
សូមបញ្ជាក់ថា លោកហ៊ុន សែន បានបញ្ជាឲ្យលោក កែន សត្ថា អភិបាលខេត្តកែប ស្រាវជ្រាវរកព្រះភិក្ខុសង្ឃឈ្មោះ ម៉ារី ដោយចោទថា បួសក្លែងក្លាយ ហើយចាប់ផ្សឹកបាននៅថ្ងៃទី ២១ ខែមីនា ឆ្នាំ២០១៨ នេះ ។ លោក ហ៊ុន សែន និយាយមួលបង្កាច់ថា ព្រះភិក្ខុសង្ឃឈ្មោះ ម៉ារី បានភូតប្រជាពលរដ្ឋពីខេត្តមួយទៅខេត្តមួយ ពីកំពត ទៅតាកែវ ពីតាកែវ ទៅកែប៕
KhmerLeaking
0 ความคิดเห็น: