អាជ្ញាធរថៃនឹងបិទដំណើរការបន្តសុពលភាពប័ណ្ណស្នាក់នៅ ឬប័ណ្ណធ្វើការ ហៅថា ប័ណ្ណស៊ីជម្ពូ នៅថ្ងៃទី៣១ ខែមីនាខាងមុខនេះ។ លិខិតជូនដំណឹងរបស់ស្ថានទូតខ្មែរប្រចាំនៅប្រទេសថៃ ចុះផ្សាយកាលពីថ្ងៃទី១៩ ខែមីនា ឱ្យដឹងថា អាជ្ញាធរថៃនឹងចាត់វិធានការយ៉ាងតឹងរ៉ឹងតាមផ្លូវច្បាប់ចំពោះពលករបរទេសទាំងអស់ដែលពុំមានច្បាប់អនុញ្ញាតឱ្យស្នាក់នៅ និងធ្វើការនៅប្រទេសថៃ។
ស្ថានទូតអំពាវនាវដល់ពលករកម្ពុជាទាំងអស់ដែលមិនទាន់បានបន្តសុពលភាពប័ណ្ណស្នាក់នៅ និងធ្វើការបណ្ដោះអាសន្ន សូមប្រញាប់រួសរាន់ទៅបន្តសុពលភាពនៅការិយាល័យច្រកចេញចូលតែមួយរបស់ភាគីថៃតាមបណ្ដាខេត្ត-ក្រុង ដែលបងប្អូនរស់នៅ និងធ្វើការឱ្យបានរួចរាល់ត្រឹមថ្ងៃទី៣១ ខែមីនានេះ។
ជាមួយគ្នានេះដែរ ប្រសិនបើពលករចង់ដឹងព័ត៌មានលម្អិតបន្ថែម អាចទាក់ទងមន្ត្រីស្ថានទូតកម្ពុជាប្រចាំក្រុងបាងកក តាមរយៈទូរស័ព្ទលេខ ០២ ៩៥៧ ៥៨៥១/ ០៩២ ៨០៥ ០៥៦១ /០៩៤ ០៩២ ៥៩០៥។
ក្រសួងការងារឱ្យដឹងថា ពលករខ្មែរដែលកំពុងធ្វើការនៅប្រទេសថៃបច្ចុប្បន្ន មានចំនួនជាង ១លាននាក់។ ក្នុងចំណោមនោះ មានពលករជាង ៧០ម៉ឺននាក់ ជាពលករស្របច្បាប់ និងពលករជាង ៣០ម៉ឺននាក់ទៀត ពុំទាន់មានភាពស្របច្បាប់នៅឡើយទេ៕
 |
| អាជ្ញាធរថៃស្នើឱ្យកម្មករទូកនេសាទខ្មែរពាក់អាវពោង និងឈរតម្រៀបគ្នាថតរូប អំឡុងពេលពួកគេចុះត្រួតពិនិត្យតំបន់កំពង់ផែ ចេញចូលក្នុងខេត្តត្រាត កាលពីថ្ងៃទី៩ ខែវិច្ឆិកា ឆ្នាំ២០១៦។ Photo courtesy of Human Rights Watch |
ប្រភព៖ វិទ្យុអាស៊ីសេរី
0 ความคิดเห็น: